Մի ներողությունը չի փրկի Անդրանիկ Քոչարյանին
Ազգային ժողովի պաշտպանության և անվտանգության հարցերի հանձնաժողովի նախագահ Անդրանիկ Քոչարյանը ներողություն է խնդրել Զինված ուժերում իր որդու ծառայության վերաբերյալ հայտարարությունների համար։ Նախօրեին հարցին, թե ինչու չի ծառայել իր որդին, Անդրանիկ Քոչարյանը պատասխանել էր լրագրողին․ «Իմ տղան շատ բարձրակարգ տղա է, դու նրա գիտելիքների չափ որ ունենաս, դու էլ չես ծառայի»։
Այս հայտարարությունից հետո խիստ քննադատություն հնչեց ոչ միայն հանրությունից, ընդդիմադիր գործիչներից, այլև Քոչարյանի թիմակիցներից։ ՔՊ ցուցակի երրորդ համար Անահիտ Ավանեսյանը սրտաճմլիկ մի գրառում էր արել, որից Քոչարյանը, հաստատ, ավելի շատ պիտի վախենար։ Ինքը՝ պատգամավորը, գրառում է արել, թե ավագ որդու ծառայության չանցնելու մասին հարցին իր պատասխանով նպատակ է ունեցել ընդգծել, թե Հայաստանի օրենսդրությամբ որքան են արժևորվում կրթությունը և գիտական գործունեությամբ զբաղվելը, որ անձանց, ովքեր ունեն պետությանն իրենց գիտական ներուժով ծառայելու պատրաստակամություն, տրված է նման հնարավորություն։
«Իմ երկու որդիներից ավագն անցել է անհրաժեշտ կրթական բոլոր աստիճանները և զբաղվում է գիտությամբ, իսկ կրտսեր որդիս ծառայել է ՀՀ զինված ուժերում և մասնակցել 44-օրյա պատերազմին։ Ցավում եմ, որ պատասխանս տարակարծությունների և շահարկումների տեղիք է տվել, ինչի համար ներողություն եմ խնդրում»,– գրել է նա։ Ըստ ամենայնի, այս ներողությունը չի փրկի Անդրանիկ Քոչարյանին։ ՔՊ մեր աղբյուրների փոխանցմամբ՝ վարչության առաջիկա նիստում հենց քննարկելու են նրա վարքը և հայտարարությունները։
«Քաղպայմանագրում» խիստ դժգոհություններ են հնչում, որ նույնանման արտահայտության համար խստորեն պատժեցին առողջապահության հարցերով հանձնաժողովի նախկին նախագահ Հռիփսիմե Հունանյանին՝ պարտադրելով նրան լքել ՔՊ ընտրական ցուցակը, և այժմ Անդրանիկ Քոչարյանին ներել չեն կարող։ Առավել ևս, որ ՔՊ վարչության կազմ անցած կանանց մեծ մասը անձնական լուրջ խնդիրներ ունի Անդրանիկ Քոչարյանի հետ, ցանկանում է ամեն գնով նրան հեռացնել ընտրական ցուցակից։ Հենց կանայք էլ նախաձեռնել են այս քննարկումը, և այսօր կամ վաղը «Քաղպայմանագիրը» պետք է որոշում կայացնի Անդրանիկ Քոչարյանի մասով՝ արդյոք ներում են վերջինիս, թե՞ պարտադրում հրաժարվել ընտրական ցուցակից։
Աննա Մարգարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել