Ի՞նչ է զգուշացրել ՌԴ փոխնախարարը Հայաստանի դեսպանին
ՌԴ-ում Հայաստանի դեսպանը և ՌԴ արտաքին գործերի փոխնախարարը քննարկել են Մոսկվայում Պուտին-Փաշինյան հանդիպումից հետո ձեռք բերված պայմանավորվածությունները։ Ըստ պաշտոնական հաղորդագրության՝ Միխայիլ Գալուզինը և Գուրգեն Արսենյանը նաև մտքեր են փոխանակել արդիական հարցերի շուրջ և ընդգծել տարբեր ոլորտներում համատեղ աշխատանքի կարևորությունը։ Դիվանագետները անդրադարձել են նաև տարածաշրջանային խնդիրներին, այդ թվում՝ «3+3» հարթակի շրջանակներում գործունեության շարունակմանը։
Ուշագրավ է, որ այս հանդիպումը տեղի է ունենում Մոսկվայում Պուտին-Փաշինյան աղմկահարույց հանդիպումից հետո, որին մասնակցում էր նաև Հայաստանի դեսպան Գուրգեն Արսենյանը՝ չափազանց կոշտ խոսակցությունից հետո։ Ըստ էության, Գալուզինը Հայաստանի դեսպանի հետ քննարկել է Հայաստանի իշխանությունների վարքը և հնարավոր հետևանքները։ Բնականաբար, հետևանքների մասին թե՛ հանդիպման բաց մասում, թե՛ արդեն իսկ առանձնազրույցի ընթացքում ասել էր նաև Ռուսաստանի նախագահը, բայց Ռուսաստանը վերջին շրջանում առանձնակի կոշտ շեշտադրումներով մի քանի անգամ զգուշացումներ է անում Հայաստանին, և դեսպանն էլ հրաշալի հասկանում է, թե ինչ հետևանքներ կարող է ունենալ հայ-ռուսական հարաբերությունների հերթական սրումը։
Առավել ևս, որ Գուրգեն Արսենյանին իր պաշտոնավարման ընթացքում չի հաջողվել և չի հաջողվում ջերմ կապեր հաստատել Ռուսաստանի հետ, և պատճառը ոչ թե դեսպանի անձն է, այլ բուն Հայաստանի իշխանությունների վարքը։ Բնականաբար, դեսպանը ռուսական կողմի մտահոգությունները կփոխանցի Հայաստանի իշխանություններին, իսկ թե ինչ եզրահանգումներ կանի Փաշինյանն ու իր թիմը, բարդ է ասել։
Աննա Մարգարյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»