Մшhն այնքան սարսափելի չէ, ավելի սարսափելի է մե ռելի պես ապրելը. Արթուր Ավանեսյան

«Ինձ համար կա մի հստակ բան՝ հայրենիքը պետք է պաշտպանել, և եթե այսօրվա իշխանությունները չեն պաշտպանում մեր հայրենիքը, մենք փոխելու ենք այդ իշխանությունները»,- Ազատության հրապարակում «Ուժեղ Հայաստան» կուսակցության հանրահավաքի ժամանակ ունեցած ելույթում ասաց  «Ուժեղ Հայաստան» կուսակցության անվտանգության հարցերով թիմի ղեկավար, գնդապետ, արցախցի հետախույզ Արթուր Ավանեսյանը։

Նա նշեց, որ ինքն այսօր այդ փոփոխության պայքարի զինվորն է, այնպիսի փոխոփության, որ փրկելու է  մարդկանց կյանքը երկրում, կանխելու է պատերազմները։

«Որպես զինվորական՝ ես լավագույնս գիտեմ խաղաղության արժեքը, քանի որ պատերազմի գինը ես գիտեմ շատերից լավ, տեսել եմ, թե ինչպես են իմ ընկերները զոհվում պատերազմում, ինքս էլ դրա համար  անձնական ծանր գին եմ վճարել։

Բայց և այնպես, մահն այնքան սարսափելի չէ, ավելի սարսափելի է  մեռելի պես ապրելը։ Հայաստանն այրամբ է վճարել խաղաղություն ունենալու համար»,- ասաց Ա. Ավանեսյանը։ 

Նա ընդգծեց, որ կա մի մեկ առաջնորդ, ով կարող է ապահովել մնայուն, ուժեղ խաղաղություն. «Դա հաջորդ վարչապետ Սամվել Կարապետյանն է։

Սամվել Կարապետյանը շատ լավ գիտի,  թե ինչպիսի զոհությունների են գնացել հազարավոր հայեր մեր հողը պաշտպանելու համար, հազարավոր հայերի է  օգնության ձեռք մեկնել, ովքեր կորցել են իրենց տները, աջակցել է վիրավոր զինվորներին ու նրանց ընտանիքներին»։

Ա. Ավանեսյանը նշեց, որ այսօր  մենք կանգնած ենք ընտրության առաջ՝ կգնա՞նք վախի և ստորացաման ճանապարհով, թե՞ արժանապատվության և ուժի ճանապարհով։

«Վախ... ես տեսել եմ վախը մեր թշնամու աչքերում, սահմանին, կռվի ժամանակ, բայց ոչ երբեք հայ զինվորի աչքերում, ոչ երբեք հայ ժողովրդի աչքերում։

Մեր ընտրությունը միակն է ու հստակ՝ մենք ընտրում ենք արժանապատվությունը, եկեղեցին, մեր հայրենիքը։

Հայաստանի անվտանգությունը փոխվելու է, ուժեղանալու է, Հայաստանում հաստատվելու է ուժեղ և մնայուն խաղաղություն, մենք Սամվել Կարապետյաի  հետ գիտենք՝ ինչպես դա անել»,- ասաց Ա.Ավանեսյանը։ 

Ելույթն ամբողջությամբ՝ տեսանյութում։