Բիզնեսի կառավարումը փոխանցում եմ երեխաներիս, ես ծառայելու եմ իմ երկրին․ Սամվել Կարապետյան
«Ուժեղ Հայաստան» կուսակցության նախագահ Սամվել Կարապետյանը պատրաստվում է իր բիզնեսի կառավարումը փոխանցել զավակներին։ Ազատության հրապարակում «Ուժեղ Հայաստան» կուսակցության հանրահավաքի ժամանակ մեծ էկրանին ներկայացվեց նրա ելույթը։
««Ուժեղ Հայաստան» կուսակցությունը հունիսի 7-ի ընտրություններին գնում է հաղթելու նպատակով։ Միասին մենք այն ուժն ենք, որ փոփոխություն է բերելու։ Այդ ուժը հնարավոր չէ կանգնեցնել։ Մենք պետք է միանշանակ հաղթանակ տանենք ընտրություններին։ Մենք բոլորս պատրաստ ենք ամեն ինչ զոհաբերել հանուն Հայաստանի, մինչդեռ Նիկոլ Փաշինյանը պատրաստ է ամեն ինչ զոհաբերել հանուն իր աթոռի։ ՔՊ-ի կեղծ սրտիկները փոխարինելու ենք մեր հայկական, իրական սրտերով, իսկ մեր սիրտը Հայ առաքելական եկեղեցին է, Արարատ լեռն է»,- հայտարարեց Կարապետյանը։
Նա նշեց, որ ընտրություններին իրենց մեծ հաղթանակ է պետք է, որ կարողանան արագ իրականացնել այն մասշտաբային ծրագրերն ու փոփոխությունները, որոնց վաղուց արժանի է հայ ժողովուրդը։
«Ուժը ձեր ձեռքերում է, դուք սկսում եք փոփոխությունը, իսկ ես այն դարձնելու եմ իրականություն։ Ես իմ կառուցած ամենամեծ հայկական բիզնես ընկերության կառավարումը փոխանցում եմ իմ երեխաներին, իսկ ես ծառայելու եմ իմ երկրին և փոխելու եմ Հայաստանի քաղաքացիների կյանքը դեպի լավագույն ապագա»,- ասաց Կարապետյանը։
Նա ներկայացրեց նաև, թե իրենց քաղաքական ուժն ինչպիսի արտաքին քաղաքականություն է վարելու։
«Մենք ուժեղ ենք լինելու Մոսկվայում, մենք վերականգնելու ենք խաթարված հարաբերությունները։ Մենք ուժեղ ենք լինելու Վաշինգտոնում, Լոնդոնում, ինչպես նաև Պեկինում։ Վարչակարգը քայքայել է սփյուռքի հետ հարաբերությունները։ Մեր քաղաքական ուժը կարող է վերականգնել թե՛ հարաբերությունը, թե՛ սփյուռքի հետ վստահությունը հայրենիքի հանդեպ»,– ասաց Կարապետյանը։
Ազատության հրապարակում անցկացված հանրահավաքից հետո մասնակիցները քայլերթ սկսեցին Երևանի կենտրոնական փողոցներով։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...