Մենք ազատագրել ենք Հունգարիան և տապալել Օրբանի ռեժիմը․ ընդդիմադիր «Տիսա» կուսակցությունը հաղթել է Հունգարիայի ընտրություններում․ Օրբանն ընդունել է պարտությունը
Հունգարիայում անցկացված ընտրությունների արդյունքում ընդդիմադիր Պետեր Մադյարի «Տիսա» կուսակցությունը ոչ միայն հաղթանակ է տարել, այլև կարող է սահմանադրական մեծամասնություն ստանալ խորհրդարանում: 16 տարի իշխանության ղեկին գտնվող վարչապետ Վիկտոր Օրբանն իր «Ֆիդես» կուսակցության հետ արդեն ընդունել է պարտությունը և խոստացել շարունակել աշխատանքը՝ գտնվելով ընդդիմության մեջ: Այս մասին փոխանցում է bbc.com-ը։
Հունգարիայում խորհրդարանական ընտրություններն անցկացվել են ինչպես կուսակցական ցուցակներով, այնպես էլ միամանդատ ընտրատարածքներով։ Քվեաթերթիկների գրեթե 99 տոկոսի մշակումից հետո «Տիսա» կուսակցությունը ստանում է 199 մանդատից 138-ը, ինչը նշանակում է, որ այն, ամենայն հավանականությամբ, կունենա սահմանադրական մեծամասնություն:
Գործող վարչապետ Վիկտոր Օրբանի «Ֆիդես» կուսակցությանը բաժին է հասնում 54 մանդատ: Եվս վեցը ծայրահեղ աջակողմյան «Մեր հայրենիք» կուսակցությունն է (Mi Hazánk)։ Խորհրդարան անցնելու համար Հունգարիայում կուսակցությունները պետք է հաղթահարեն 5 տոկոսի շեմը։
Վերջնական ձայների հաշվարկին չսպասելով՝ Վիկտոր Օրբանը հայտարարեց, որ արդեն շնորհավորել է Մադյարիին հաղթանակի կապակցությամբ։
Նա ասաց, որ ընտրությունների արդյունքները պարզ են՝ դրանք ցավոտ անվանելով, և հավելեց, որ «Ֆիդեսը» կծառայի Հունգարիային որպես ընդդիմության անդամ։
Ելույթ ունենալով երկուշաբթի գիշերը Բուդապեշտի կենտրոնում կողմնակիցների հաղթական հանրահավաքում՝ Մադյարը ամբոխի հավանության բացականչությունների ներքո հայտարարել է. «մենք դա արեցինք»:
Նրա խոսքով՝ «Տիսան» և Հունգարիան միասին հաղթեցին այս ընտրություններում։ «Միասին մենք ազատագրել ենք Հունգարիան և տապալել Օրբանի ռեժիմը»,-հայտարարել է Մագյարը՝ հավելելով, որ առանց կիրակի օրը ընտրատեղամասեր եկած և քվեարկածների սա հնարավոր չէր լինի։
«Տիսա»-ի առաջնորդի խոսքով՝ ժողովրդավարական Հունգարիայի պատմության մեջ երբեք այսքան շատ քվեարկողներ չեն եղել: Իսկապես, ընտրատեղամասերի փակվելուց երկու ժամ առաջ հայտնի դարձավ, որ ընտրություններին ռեկորդային բարձր մասնակցություն է գրանցվել՝ 74,23 տոկոս։
Ձևավորվել է Գագիկ Ծառուկյանի պաշտպանության հանրային կոմիտե. Իվետա Տոնոյան
Վաղը ուսումնական տարվա սկիզբն է. կուսակցության ո՞ր անդամի նկարն է․ Ուժեղ Հայաստան
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Ազգային ամոթ է, երբ բոլորը ենթարկվում են մի փոքրիկ դիկտատորի. Ցոլակ Ակոպյան
Կիբեռանվտանգության դասընթացի շրջանավարտները մասնակցեցին Ucom-ի «Junior Academy» ծրագրին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Անկախության հռչակագիրը, պատմությունն ու կրոնը մեր պետության արմատներն են. Ավետիք Չալաբյան