«Ուժեղ Հայաստան» կուսակցության անդամների և համակիրների ձերբակալությունները գնահատում ենք որպես ուղիղ քաղաքական հետապնդում. խոսնակ
«Ուժեղ Հայաստան» կուսակցության անդամների և համակիրների ձերբակալությունները գնահատում ենք որպես ուղիղ քաղաքական հետապնդում կուսակցության դեմ: Այս մասին լրագրողների հետ զրույցում ասել է «Ուժեղ Հայաստան» կուսակցության մամուլի քարտուղար Մարիաննա Ղահրամանյանը։
«Սա նախորդ օրերի գործընթացի շարունակությունն է, բերման ենթարկվածների թվում էլի կին կա, ով Արտաշատի գրասենյակից Հասմիկ Ամիրզադյանն է, նախորդ օրերին էլ այս իշխանությունների թիրախում Գոհար Ղումաշյանն ու Վերժինե Ստեփանյանն էին:
Նիկոլ Փաշինյանը փորձում է կանանց միջոցով պայքարել ու ճնշումներ գործադրել, բայց այս քրեական հետապնդումները մեզ չեն վախեցնում, չեն կանգնեցնում, մենք գնում ենք ու գնալու ենք մեր նախանշած ուղով: Այս ամենը իշխանությունների վախի հերթական դրսևորումն են, գաղտնիք չէ, որ Հայաստանում իրավապահ մարմինները վաղուց դարձել են պատվերով կարվող քրեական գործեր իրականացնողներ, վաղուց դարձել են ֆեյսբուքյան ստատուսներով քրեական գործեր հարուցողներ և իրականացնողներ, այնպես որ, այս գործընթացները մեզ ամենևին չեն զարմացնում»,- նշել է Ղահրամանյանը:
Մարիաննա Ղահրամանյանը հավելեց, որ առավոտից իրենց փաստաբանների գործունեությունը խոչընդոտվում է, նրանք չեն կարողանում մտնել Հակակոռուպցիոն կոմիտեի շենք: Ղահրամանյանի խոսքով՝ մի քանի փաստաբանի է հաջողվել ներս մտնել, այն էլ ահազանգերից և դիմումներից հետո:
«Փաստաբանների մի մասը մինչև հիմա կանգնած է և սպասում է, որպեսզի կարողանա մոտենալ իր վստահորդին և համապատասխան պաշտպանություն իրականացնել, բերման ենթարկվածներ կան Հակակոռուպցիոն կոմիտեի նաև այլ հասցեներում»,- նշել է նա:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել