Խորհդարանն ընդունեց ռուսական ալիքների դեմ օրենքը
Ազգային ժողովն ամբողջությամբ ընդունեց նախագիծը, որով արգելվում է օտարերկրյա հաղորդումներում Հայաստանի ներքաղաքական կյանքին միջամտության բովանդակության տարածումը։ «Տեսալսողական մեդիայի մասին» օրենքի նախագծում փոփոխություններին և լրացումներին կողմ քվեարկեց 58, դեմ՝ 3, ձեռնպահ՝ 15 պատգամավոր։ Նույն այդ օրենսդրական փոփոխություններով նախատեսվում է արգելել հեռուստատեսությամբ և ռադիոյով պատերազմի քարոզչությունը։ Փոփոխված օրենքով առաջարկվում է, որ օրենքի կարգավորումները գործեն ոչ միայն հանրային մուլտիպլեքսի 26 հեռուստաալիքների համար, այլև կաբելային հեռուստաալիքների համար։ Միաժամանակ հնարավորություն է տրվում ՀՌՀ-ին սանկցիաներ կիրառել ցանցային օպերատորների նկատմամբ, եթե արձանագրվեն վերոնշյալ դրույթի առերևույթ խախտումներ։
Փորձագետները նշում են, որ օրենքի այս փոփոխություններն առաջին հերթին ուղղված են հանրային և ոչ հանրային մուլտիպլեքսում գործող ռուսական հեռուստաալիքների դեմ, հատկապես խորհրդարանական ընտրություններից առաջ ռուսական մի շարք լրատվամիջոցներ, հաշվի առնելով հայ-ռուսական հարաբերությունների խիստ վատթարացումը, հանդես են գալիս Հայաստանի իշխանությունների դեմ խիստ քննադատությամբ։ 2003 թ․-ից հետո Հայաստանի իշխանությունները մի քանի անգամ բողոքի նոտաներ են հղել ռուսական կողմին՝ ընդհուպ դեսպանին հրավիրել, արգելել Սոլովյովի հետ 2 հաղորդումների հեռարձակումը Հայաստանի տարածքում, բայց թերևս այս հանգամանքը այնքան էլ չի արդարացրել փաշինյանական իշխանության հույսերը։ Եվ փորձում են վիրահատական մեթոդներով կտրել ռուսական ալիքների գործունեությունը Հայաստանում։
Օրենքի ընդունման ժամկետն էլ տարօրինակ չէ։ Մոտ 20 օրից մեկնարկելու է նախընտրական քարոզարշավը, և ներքաղաքական իրավիճակի կտրուկ թեժացում է սպասվում։ Ընդունված օրենքն էլ ուժի մեջ է մտնելու հենց 20 օրից և Հեռուստատեսության ու ռադիոյի հանձնաժողովին հնարավորություն է տալու կոշտ վերահսկում իրականացնել, պարտադրել նաև կաբելային հեռարձակում իրականացնող ընկերություններին հեռացնել այս կամ այն ռուսական հեռուստաալիքը։
Թեպետ ինտերնետի դարում նման գործողությունները, մեղմ ասած, անլուրջ կարելի է համարել, որովհետև ցանկացած խոսք և հաղորդում այսպես թե այնպես հասնելու է հայ հեռուստադիտողին, բայց և իշխանությունները փորձում են այս կոշտ մեթոդներով նաև հարվածել ռուսական կողմին՝ դա ներկայացնելով իբրև հիբրիդային սպառնալիքների դեմ գործունեություն։
Մոնիկա Կիրակոսյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի