Իրանը հերքում է, որ համաձայնել է հարստացված ուրան փոխանցել ԱՄՆ-ին

Իրանի ազգային անվտանգության կոմիտեի խոսնակ Էբրահիմ Ռեզաին «Ալ Ջազիրա»-ին ասել է, որ Թեհրանը չի համաձայնի հարստացված ուրանի դուրսբերմանը երկրից և հերքել է այդ ուղղությամբ որևէ պարտավորություն, չնայած ԱՄՆ-ի հակառակ հայտարարություններին։

Ռեզային ասել է, որ Թեհրանը «կտրականապես մերժում է» ուրանի հարստացման կամ իր խաղաղ միջուկային ծրագրի դադարեցման հետ կապված ամեն ինչ՝ այն համարելով ռազմավարական կարմիր գիծ։

Իրանի արտաքին գործերի նախարարության խոսնակ Էսմայիլ Բաղային նույնպես մերժել է Թրամփի հայտարարությունները։

«Հարստացված ուրանը մեզ համար նույնքան սրբազան է, որքան իրանական հողը և ոչ մի դեպքում չի փոխանցվի որևէ տեղ», - ասել է Բաղային։

ԱՄՆ նախագահ Դոնալդ Թրամփը նախկինում բազմիցս հայտարարել է, որ Իրանը կհանձնի իր հարստացված ուրանի պաշարները։