Փաշինյանական իշխանությունը խուճապահար ձերբակալում է բոլոր ընդդիմախոսներին
Հայաստանի գործող իշխանությունները՝ Նիկոլ Փաշինյանի գլխավորությամբ, նախընտրական ողջ ընթացքը օգտագործելու են տարբեր հայտնի և անհայտ մարդկանց ձերբակալելու, նրանց վրա քրեական գործեր կարելու, շոուներ ապահովելու համար։
Ըստ էության, թեպետ գործող իշխանությունների կողմից նախկին բոլոր ձերբակալությունները, կալանավորումները այդպես էլ չեն հիմնավորվել, դատարաններն էլ ապացույցների անբավարարության կամ այլ պատճառներով մարդկանց արդարացրել և ազատ են արձակել, բայց գործող իշխանությունը առաջնորդվում է միայն այսրոպեական հաճույք ստանալու, նաև հանրությանը ահաբեկելու ակնհայտ մտադրությամբ, այլ ոչ թե իրական արդարադատություն իրականացնելու ցանկությամբ։
Այսօր առավոտյան էլ հայտնի դարձավ, որ ձերբակալել են Մանկավարժական համալսարանի պրոռեկտոր Մարիամ Իսպիրյանին ու նրա որդուն։ Ըստ նախնական վարկածի՝ ձերբակալությունը տեղի է ունեցել ենթադրյալ կեղծիքի վարույթի շրջանակներում։ Իբր պրոռեկտորը որդուն աշխատանքի է ընդունել բուհում, սակայն նա աշխատանքի չի ներկայացել։ Տարօրինակն այն է, որ նույն այս գործի շրջանակում ձերբակալել են Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր տնօրեն Սմբատ Լպուտյանին։
Վերջինիս միակ մեղքն այն է, որ Շախմատի ֆեդերացիայի նախագահ Սերժ Սարգսյանի տեղակալն է։ Լպուտյանը երբեք էլ աչքի չի ընկել քաղաքական ակտիվությամբ, թեպետ հանուն արդարության նշենք, որ մշտապես եղել է Սերժ Սարգսյանի կողքին, ի տարբերություն այլոց՝ չի դավաճանել իր համոզմունքներին, բայց և ակտիվ էլ չի եղել դրանք քաղաքական դաշտում ներկայացնելու առումով, այլ օգտագործելով իր անունն ու մտավորական կեցվածքը՝ միայն Հայաստանում նպաստել է շախմատի տարածմանը։
Այժմ գործող իշխանությունների կողմից այս վարքը, Լպուտյանին, առաջիկայում էլ այլ անվանի անձանց ձերբակալելու հանգամանքը վկայում է, որ փաշինյանական իշխանությունը ցայտնոտի մեջ է, խուճապահար ձերբակալում է հնարավոր բոլոր այն մարդկանց, ովքեր դեմ են Նիկոլ Փաշինյանի իշխանությանը։ Սա պետք է հստակ ցուցիչ լինի, թե ինչ է սպասում Հայաստանի քաղաքացիներին, եթե Նիկոլ Փաշինյանին ու իր թիմին հաջողվի վերարտադրվել։
Աննա Մարգարյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի