ԿԺԴՀ-ն լիովին կաջակցի ինքնիշխանության պաշտպանnւթյանն ուղղված ՌԴ քաղաքականությանը. Կիմ Չեն Ընը` ՌԴ պաշտպանության նախարարի հետ հանդիպման ժամանակ

ԿԺԴՀ-ն կաջակցի ՌԴ քաղաքականությանը, որն ուղղված է ինքնիշխանության, տարածքային ամբողջականության և անվտանգության պաշտպանությանը։ Այս մասին հայտարարել է ԿԺԴՀ նախագահ Կիմ Չեն Ընը՝ Ռուսաստանի պաշտպանության նախարար Անդրեյ Բելոուսովի հետ հանդիպման ժամանակ, հաղրոդում է ՏԱՍՍ-ը:

«ԿԺԴՀ կառավարությունը և այսուհետ ևս լիովին կաջակցի պետական ինքնիշխանության, տարածքային ամբողջականության, անվտանգության և շահերի պաշտպանությանն ուղղված ՌԴ քաղաքականությանը։ Ռուսաստանի բանակն ու ժողովուրդը անպայման հաղթանակ կտանեն արդար և սրբազան պայքարում»,- ասել է Կիմ Չեն Ընը։

«Ընկեր Կիմ Չեն Ընը ջերմորեն ողջունել է պաշտպանության նախարար Բելոուսովի այցը Փհենյան նշանակալի ժամանակահատվածում և հիշեցրել, որ հենց մեկ տարի առաջ մեր զորքերը և Ռուսաստանի զինված ուժերը համատեղ ջախջախեցին ու ոչնչացրին ՌԴ սահմանամերձ տարածք ներխուժած զինված ավազակախմբերին, ազատագրեցին Կուրսկի մարզը և հասան փայլուն մարտական հաջողությունների»,- ասվում է հաղորդագրության մեջ։

ԿԺԴՀ առաջնորդը նշել է, որ այս օրվա առթիվ ուրախ է ռուս գործընկերների հետ միասին սրբազան գործ անելու հնարավորության համար՝ ի փառս համատեղ պայքարի պատմության հավերժացման։

ԿԺԴՀ պետական գործերի նախագահը երախտագիտություն է հայտնել Ռուսաստանի ղեկավարությանը երկու երկրների միջև դաշնակցային հարաբերությունների զարգացմանն ուղղված անկեղծ ջանքերի համար։

Զրույցի ընթացքում տեղի է ունեցել մտքերի և տեսակետների լայն փոխանակում փոխադարձ հետաքրքրություն ներկայացնող հարցերի շուրջ, ներառյալ օրեցօր սրվող միջազգային և տարածաշրջանային իրադրությունը։