Սահմանադրական բարեփոխումների խորհուրդը «լռվել» է
Հայաստանում սահմանադրական բարեփոխումների խորհուրդը գրեթե մեկ ամիս նիստեր չի գումարել։ Ըստ Արդարադատության նախարարության՝ վերջին նիստը տեղի է ունեցել ապրիլի 1-ին, նախարար Սրբուհի Գալյանի գլխավորությամբ քննարկվել են գործադիր իշխանությանը վերաբերող կարգավորումները, Սահմանադրության ընդունման փոփոխության և հանրաքվեի վերաբերյալ կարգավորումները։ Խորհրդի անդամ, «սորոսական» Դանիել Իոաննիսյանը ներկայացրել է իր կողմից հեղինակած համացանցի հասանելիության իրավունքին վերաբերող կարգավորումները՝ ընդգծելով դրա կարևորությունը ժամանակակից ժողովրդավարական հասարակությունում և մարդու հիմնարար իրավունքների ապահովման տեսանկյունից։
Սովորաբար խորհուրդը նիստեր գումարում է մեկշաբաթյա պարբերականությամբ, բայց մեկ ամիս վերցրած դադարը լուրջ կասկածների և մտահոգությունների տեղիք է տալիս։ Մեր տեղեկություններով, թեպետ նախարարությունը չի նշում, բայց ապրիլի 1-ից հետո ևս մեկ նիստ է տեղի ունեցել, որը, սակայն, ավարտվել է սկանդալով, և դրանից հետո Գալյանը չի ցանկանում շարունակել այս խորհրդի աշխատանքները՝ նոր Սահմանադրության մշակումն ամբողջությամբ իրականացնելով նախարարության փորձագետների միջոցով։
Ըստ մեր աղբյուրի՝ խորհրդի մաս կազմող 2 անձինք, որոնք արևմտյան ֆինանսավորման կազմակերպությունների ներկայացուցիչներ են՝ Իոաննիսյանն ու Սաքունցը, դժգոհել են գործող իշխանությունների վարքից Սահմանադրության վերաբերյալ, նշել են, որ Փաշինյանն ու Գալյանը հայտարարում են, թե Սահմանադրության տեքստը պատրաստ է և կարող են արդեն քննարկել ՔՊ վարչության և խմբակցության հետ, բայց որևէ ամբողջական տեքստ իրենք այդպես էլ չեն տեսել։ Փորձել են պարզաբանումներ ստանալ Գալյանից, բայց վերջինս աղմկել, բղավել և լքել է նիստերի դահլիճը՝ այդպես էլ որևէ ողջամիտ բացատրություն չներկայացնելով։
Ըստ մեր աղբյուրի՝ Սաքունցն ու Իոաննիսյանը դեռևս 1-2 շաբաթ կսպասեն՝ աղմուկ բարձրացնելու և հասարակությանը տեղեկացնելու, թե ինչ է կատարվում սահմանադրական փոփոխությունների շուրջ։
Աննա Մարգարյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի