Փաշինյանի մարտավարությունը «Ուժեղ Հայաստանի» դեմ
Գործող իշխանությունների վերջին շրջանի քաղաքականությունը միտված է ընդամենը մեկ բանի՝ ամեն գնով տպավորություն ստեղծել, թե ընդդիմադիր ուժերը, հատկապես «Ուժեղ Հայաստան» կուսակցությունը, ընտրակեղծարարներ են, կաշառք են բաժանում, հակաօրինական գործունեությամբ են զբաղվում։ Հակակոռուպցիոն կոմիտեն երկու ամսով կալանավորել է «Ուժեղ Հայաստան» կուսակցության անվտանգության հարցերով թիմի ղեկավար, արցախյան պատերազմների մասնակից, Կանդազ մականվամբ հայտնի Արթուր Ավանեսյանին։ «Փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը 2026 թվականի հունիսի 7-ին կայանալիք Հայաստանի Հանրապետության Ազգային ժողովի ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով խոստացել է տալ կաշառք, որպիսի խոստումն ընդունվել է վերջիններիս կողմից»,– ասված է Հակակոռուպցիոն կոմիտեի հաղորդագրությունում։
Ավելի ուշ իրավապահ կառույցը հրապարակեց գաղտնալսումներ, որտեղ ենթադրաբար Արթուր Ավանեսյանը Արցախի բարբառով խոսող տղամարդուն պատմում է, որ «Ուժեղ Հայաստան»-ի թիմում է, որ ընդդիմադիրների՝ իշխանության գալուց հետո լավ է լինելու, խոսում է ինչ-որ միջոցառմանը ներկայանալու կարևորության մասին։ Ձայնագրության մեջ սովորական նախընտրական խոստումներ են, որ ամեն ինչ լավ է լինելու, իշխանափոխությունից հետո մարդիկ աշխատանք ունենան և այլն, և այլն, գումարի տրամադրվելու մասին որևէ բառ չկա։ Ավելին, անձամբ Կանդազն էլ որևէ մեկին չի խոստանում առձեռն ինչ-որ ծառայություն մատուցել կամ ընտրակաշառք տալ։ Սա, սակայն, բոլորովին չի կաշկանդել դատարանին և քննչական մարմիններին քրեական գործ հարուցել, աղմուկ բարձրացնել, թե լեգենդար հետախույզը ընտրակաշառք է բաժանում։
Ըստ էության, գործող իշխանության մարտավարությունը մեկն է՝ մինչև ընտրություններին կուսակցությունների գրանցման փուլը տպավորություն ստեղծել, որ գործարար, բարերար Սամվել Կարապետյանի թիմը ընտրակաշառք է բաժանում, դրա հիման վրա, օրենքին հղում անելով, կասեցնել այդ կուսակցության գրանցումը ընտրություններին։ Փաշինյանի համար թիվ մեկ նպատակը այժմ ոչ միայն հաղթելն է, այլ հաղթելը՝ սահմանադրական մեծամասնություն ստանալով։ Եվ նա հրաշալի հասկանում է, որ շարքից պետք է հանել գլխավոր ընդդիմադիր ուժին, որից հետո ընդդիմադիր ձայների լուրջ փոշիացում կարող է լինել, ուստի և այժմ ամեն ինչ անում է «Ուժեղ Հայաստանին» որպես ընտրակեղծարար ներկայացնելու համար։
Աննա Մարգարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ
Էրեբունուց Երևան դարձած մեր մայրաքաղաքը երբեք Էրիվան չի դառնալու. Սամվել Կարապետյան
Քաղաքաշինության ներկան և զարգացման հեռանկարները․ Երևանում կայացել է Կառուցապատողների հայկական ասոցիա...
ՏԻՄ ընտրություններում կուսակցական բաղադրիչը ոչ մի նշանակություն չունի. Մենուա Սողոմոնյան
1 զոհ, 1 վիրավոր, մաhացածը վարորդներից մեկի կինն է․ բախվել են «MERCEDES»-ն ու «NISSAN»-ը
Ինչպիսի Երևան ենք ցանկանում տեսնել. Շնորհավո՛ր տոնդ, մեր սիրելի՛ մայրաքաղաք. տեսանյութ
Ամուլսարի շահագործումը՝ սպառնալիք Հայաստանի բնությանն ու ժողովրդին․ Գևորգ Տերտերյանի ահազանգը
Ամուլսարի հանքի բացման մասին․ «Պայքարը պայքար չկա ու իրականում երբևէ էլ չի եղել». Հայկ Մարտիրոսյան