ԵՄ գագաթնաժողովին հրավիրել են հակառուս գործիչների
Մայիսի սկզբին Երևանում կայանալիք Եվրոպական քաղաքական համայնքի գագաթնաժողովը Հայաստանի իշխանությունները՝ Եվրամիության հետ միասին, վերածելու են հակառուսականության շքերթի։ Դեռևս հստակ հայտնի չէ, թե որ եվրոպական առաջնորդներն են ժամանելու Հայաստան։ Բայց մեզ հայտնի է դարձել, որ հակառուսական տրամադրություններով հայտնի բազմաթիվ գործիչների, այդ թվում՝ իրենց երկրներից արտաքսված ընդդիմադիրների են հրավիրելու, բավականին շքեղ ընդունելություն կազմակերպելու՝ այդ կերպ ցույց տալով իրենց վերաբերմունքը ոչ միայն Ռուսաստանի, այլև նրա դաշնակից Բելառուսի նկատմամբ։
Մեր տեղեկություններով, Հայաստան է այցելելու նաև բելառուսական ընդդիմության առաջնորդ Սվետլանա Տիխանովսկայան, որը ոչ միայն հանդիպումներ է ունենալու տարբեր պաշտոնյաների ու արևմտամետ քաղաքական կուսակցությունների հետ, այլև նույնիսկ կարող է ելույթ ունենալ գագաթնաժողովին։ Սա, ըստ մեր աղբյուրի, հենց փաշինյանական իշխանության մարտավարությունն է։
Մինչ Ռուսաստանն ու Բելառուսը վերջին շրջանում փորձում են հարթել խնդիրները Հայաստանի հետ, ինքը՝ Լուկաշենկոն էլ ՀԱՊԿ-ի ներկայացուցիչների հետ խոսել է, որ պետք է բարելավել հարաբերությունները իրենց դաշնակից Հայաստանի հետ, փաշինյանական իշխանությունն ամեն ինչ անում է հայ-ռուսական և հայ-բելառուսական հարաբերությունները վերջնականապես փչացնելու՝ այդ կերպ դեպի Արևմուտք իր սլացքը արդարացնելու համար։
Թե ինչպիսի հետևանքներ կունենա Տիխանովսկայային Հայաստան հրավիրելը, բարդ է ասել, բայց և ակնհայտ է, որ Բելառուսը այս հարվածը չի ներելու, և պարբերաբար խնդիրներ են հարուցվելու Հայաստանի և Հայաստանի իշխանությունների նկատմամբ։
Սոնա Գալստյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ
Էրեբունուց Երևան դարձած մեր մայրաքաղաքը երբեք Էրիվան չի դառնալու. Սամվել Կարապետյան
Քաղաքաշինության ներկան և զարգացման հեռանկարները․ Երևանում կայացել է Կառուցապատողների հայկական ասոցիա...
ՏԻՄ ընտրություններում կուսակցական բաղադրիչը ոչ մի նշանակություն չունի. Մենուա Սողոմոնյան
1 զոհ, 1 վիրավոր, մաhացածը վարորդներից մեկի կինն է․ բախվել են «MERCEDES»-ն ու «NISSAN»-ը
Ինչպիսի Երևան ենք ցանկանում տեսնել. Շնորհավո՛ր տոնդ, մեր սիրելի՛ մայրաքաղաք. տեսանյութ
Ամուլսարի շահագործումը՝ սպառնալիք Հայաստանի բնությանն ու ժողովրդին․ Գևորգ Տերտերյանի ահազանգը
Ամուլսարի հանքի բացման մասին․ «Պայքարը պայքար չկա ու իրականում երբևէ էլ չի եղել». Հայկ Մարտիրոսյան