Այդ մեկ մարդը դու ես․ 3 միլիոն վարչապետի կախարդանքը․ Ռուբեն Մխիթարյան

Պրոդյուսեր Ռուբեն Մխիթարյանը գրում է․

ԵՒ այդ ՄԵԿ մարդը ԴՈՒ ես, կամ 3 ՄԻԼԻՈՆ վարչապետի կախարդանքը: Լավով «լեկցիա» համայն ընդդիմությանը. ԴԱՍ 3
Ընդդիմությունը այս ընտրությունները կարող է հաղթել 2 դեպքում:
Ա. Եթե Նիկոլը հենց ինքն է որոշել պարտվել
Բ. Եթե լինի ընտրողների ԲԱՐՁՐ մասնակցություն

Նիկոլի գործողությունները չեն խոսում նրա մասին, որ ինքը ուզում է պարտվել: Տարվա սկզբից արտաքին գործընկերների տարբեր կալիբրի պաշտոնյաների այցերն էլ խոսում են նրա մասին, որ Նիկոլը «պարտավոր է» հաղթելու:

Ընդդիմության շանսը մնում է բարձր մասնակցություն ապահովելը: Թե 2018-ին (երբ Նիկոլը գերագնահատված ու սիրված էր), թե 2021-ին (երբ Նիկոլը ԻԲՐ էլ գերագնահատված ու սիրված չէր) ընտրություններին մասնակցել է մոտավորապես նույնքան մարդ.
2018 – 1.261.105
2021 – 1.281.997

2018-ից հետո Նիկոլը հավաքել է 200.000-ով ավելի քիչ ձայն քան 2021-ին (880.000 vs 680.000), բայց կարողացել է դարձյալ ունենալ մեծամասնություն ԱԺ-ում: Ակնհայտ է, որ մասնակցության նման թիվը կոմֆորտի զոնա է նիկոլների համար, իսկ եթե մասնակցությունը ավելի ցածր լինի, ապա դա ուղղակի ֆուրոր է լինելու իշխանության համար: Այսպիսով, հարցի լուծումը տունը նստած մարդուն դուրս հանելն ու ընտրատեղամաս գալու դրդելը, հորդորելն ու ոգևորելն է:

ԴՈՒ և ՔՈ ՈՐՈՇՈՒՄԸ ԱՄԵՆԱԿԱՐԵՒՈՐՆ ԵՆ, ԱՐԻ՛ ԸՆՏՐՈՒԹՅԱՆ: Բոլոր ընդդիմադիրների հոլովակները կամ ուղերձները պետք է սկսվեն այդպես: Ընտրողը մանտրայի պես անդադար պետք է լսի, որ ՄԻՄԻԱՅՆ իր ընտրատեղամաս հասնելով է լուծվելու երկրի հարցը: Ոչ «վերջ, Պուտինը ջղայնացել է», ոչ «Տրամպի տատմերը հայ էր ու ընդդիմադիր», ոչ «Մակրոնը գիշերները նայում է Արարատի նկարին ու լացում», ոչ «այլմոլորակայինները որոշել են Մարսում ապրող հայերին բերել ընտրության» կիսաշշուքով ասվող ԱԽՄԱԽՈՒԹՅՈՒՆՆԵՐԸ ընտրողին չեն դրդելու գնալ ընտրատեղամաս:

ԵՒ այդ մեկ մարդը ԴՈՒ ես: Մինչև ընտրողը չհասկանա, որ ինքը ձեր համար ավելի կարևոր է, քան ձեր ԸՆՏՐՎԱԾ լինելու «աստվածային առաքելությունը»՝ ձեր մոտ ոչինչ չի ստացվի: Ձեր նախընտրական ծրագրերը ճնշող մեծամասնությունը չի կարդում: Ձեր նախընտրական պաստառներում դուք եք, կամ ձեր թիմը: ԸՆՏՐՈՂԸ ԻՐԵՆ ՉԻ ԳՏՆՈՒՄ ՈՉ ՁԵՐ ԼՈԶՈՒՆԳՆԵՐՈՒՄ, ՈՉ ՁԵՐ ՊԱՍՏԱՌՆԵՐՈՒՄ:
Այսքանը: Ձեզ լավ օր, իսկ ցիլոյին մաղթում եմ մուգ կանաչ շապիկի վրա վարդագույն փողկապ: