Ռուսաստանի ԱԳՆ-ն հերքել է Ուկրաինայում միջուկային զենքի կիրառման հնարավորությունը
Ռուսաստանի արտաքին գործերի նախարարության հատուկ հանձնարարություններով դեսպան Անդրեյ Բելոուսովը հերքել է պնդումներն այն մասին, թե Ռուսաստանը քննարկում է Ուկրաինայում միջուկային զենքի օգտագործման հնարավորությունը։ Այդ մասին «Արմենպրես»-ը տեղեկանում է ՏԱՍՍ գործակալությունից:
«Անհրաժեշտ ենք համարում հերքել այն անհիմն շահարկումները, թե Ռուսաստանում իբր քննարկում են միջուկային զենքի կիրառումն Ուկրաինայում կամ սպառնում են դրա կիրառմամբ։ Ակնհայտ է, որ դա արվում է հատուկ հակառուսական հիստերիայի բորբոքման նպատակով», – ասել է նա՝ ելույթ ունենալով Միջուկային զենքի չտարածման պայմանագրի 11-րդ ամփոփիչ խորհրդաժողովում։
Դիվանագետն ընդգծել է, որ Մոսկվան «ջանքեր է գործադրում միջուկային մրցակիցների միջև ցանկացած ռազմական առճակատում կանխելու համար, քանի որ դա հղի է միջուկային մակարդակի էսկալացիայով»։ «Ռուսաստանը շահագրգռված չէ լարվածության սրմամբ։ Մեր շահերից է բխում, որ միջուկային զենք երբևիցե չկիրառվի», – ասել է Բելոուսովը։
Նա նաև հայտարարել է, որ Միջուկային զենքի չտարածման պայմանագիրը գործում է միջազգային հանրության բարօրության համար, դրա անժամկետ երկարաձգման որոշումը ենթակա չէ վերանայման:
Մենք կբերենք խաղաղություն՝ առանց մեր անկախությունից հրաժարվելու. Ուժեղ Հայաստան
Ուժեղ Հայաստան լինելու է. Տիգրան Աբրահամյան
Քաղաքականապես հասուն ազգերը երկու կարգավիճակ ունեն․ կա՛մ ունեն անկախ պետականություն, կա՛մ պայքարում ...
«Սեպտեմբերի 21-ը պետք է դառնա Հայաստանի ինքնիշխանության վերականգնման օրը». Խաչիկ Ասրյան
Մենք պարտավոր ենք շարունակել պայքարը՝ հանուն հզոր, անվտանգ և արժանապատիվ Հայաստանի. Էդմոն Մարուքյան
Իդրամով արդեն կարելի է վճարել Glovo-ում. սպասված համագործակցությունն իրականություն է
Թրամփը Եմենին ռազմական աջակցության երաշխիքներ չի տվել. Reuters
Ամփոփվել են հոկտեմբերի 25-ի ՏԻՄ ընտրություններին կուսակցությունների և դաշինքների առաջադրումները
Անկախության 35-ամյակին նվիրված միջոցառումների շարքը շարունակվել է Կապանում
Զարգացնելով Տիգրանաշենը՝ այն հայկական կմնա նաև գալիք սերունդների համար․ «Ուժեղ Հայաստան»