Հակակոռուպցիոն դատարանը շարունակում է Սամվել Կարապետյանի խափանման միջոցի հարցի քննարկումը
Հակակոռուպցիոն դատարանը՝ դատավոր Վահե Դոլմազյանի նախագահությամբ, շարունակում է Սամվել Կարապետյանի նկատմամբ կիրառված խափանման միջոցի հարցի քննարկումը:
Ինչպես հաղորդվել էր ավելի վաղ, փաստաբան Արամ Վարդևանյանը միջնորդություն էր ներկայացրել՝ նշելով, որ Սամվել Կարապետյանը 10 ամիս գտնվել է կալանքի տակ, որից 5-ը՝ բացառապես եկեղեցին պաշտպանելու «կոչի» համար։ Ինչ վերաբերում է մեղադրանքի մյուս դրվագներին, ապա, փաստաբանի խոսքով, «տնտեսական հանցագործության» վերաբերյալ որևէ դրվագով հիմնավորումներ չկան։ Փաստաբանը նաև նշել է, որ Սամվել Կարապետյանի նկատմամբ կիրառվել է Հայաստանի պատմության մեջ ամենախոշոր գրավը՝ 4 միլիարդ դրամ։ Վարդևանյանը հավելել է, որ իրենք դեմ չեն այդ գումարը ևս 400 միլիոն դրամով ավելացնելուն, սակայն տնային կալանքի չեղարկման պայմանով։
Նիստն անցկացվում է դռնբաց ձևաչափով: Այնուամենայնիվ, դատարանն արգելել է տեսանկարահանումը՝ մեղադրյալ կողմի ցանկությամբ։
Փաստաբան Արամ Վարդևանյանը կրկին միջնորդություն է ներկայացրել դատարանին, որպեսզի Սամվել Կարապետյանին մինչև մայիսի 8-ը կարողանա այցելել հոր գերեզմանին (Լոռու մարզ, քաղաք Տաշիր, գյուղ Լեռնահովիտ) և Սուրբ Սարգիս եկեղեցի։ Նա նշել է, որ պրոբացիայի ծառայության առարկություններն անհիմն են, քանի որ կան նախադեպեր, երբ փաստաբաններն ուղեկցել են պաշտպանյալներին։ Պաշտպանական կողմը պատրաստակամություն է հայտնել այս հարցով դիմել նաև ՆԳ նախարարին։ Վարդևանյանը հիշեցրել է, որ մայիսի 7-ին լրանում է Սամվել Կարապետյանի հոր՝ Սարգիս Կարապետյանի մահվան առաջին տարելիցը։
Տևական քննարկումից հետո դատավորը, հղում անելով Սահմանադրությանը, Քրեական օրենսգրքին և պրոբացիայի ոլորտի օրենսդրությանը, եզրակացրել է, որ գերեզման այցելելու թույլտվության համար բացակայում է համապատասխան նորմատիվ դրույթը, և մերժել է միջնորդություն-խնդրանքը։ Դատավորը հավելել է, որ որքան էլ դա ճիշտ լինի մարդկայնության և ավանդույթների տեսանկյունից, այն այնուամենայնիվ չի պարունակում իրավական հիմքեր։
Փաստաբանը նշել է, որ, փաստորեն, խոչընդոտը կրում է ձևական բնույթ, և առաջարկել է հոր գերեզմանին այցելության ենթադրյալ ժամանակահատվածի համար՝ 24 ժամով, Կարապետյանի նկատմամբ որպես խափանման միջոց սահմանել վարչական հսկողությունը։ Քանի որ տնային կալանքի պայմաններում դա հնարավոր չէ, բայց բոլորը գտնում են, որ տարելիցի օրը գերեզման այցելելը հոգևոր և մարդկային առումով ճիշտ է, փաստաբանն առաջարկել է հենց այդպես էլ վարվել։ Վարդևանյանը կարճատև ընդմիջում է խնդրել՝ համապատասխան միջնորդությունը ձևակերպելու համար։
Ընդմիջումից հետո փաստաբանը ներկայացրել է պաշտպանական կողմի միջնորդությունը՝ տնային կալանքը մեկ օրով (կամ նույնիսկ ավելի քիչ ժամանակով) վարչական հսկողությամբ փոխարինելու վերաբերյալ՝ հետագայում խափանման միջոցի ընդհանուր փոփոխության հարցին վերադառնալու պայմանով։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...