Հայ օգտատերերի փակված էջերի հարցով՝ դիմում միջազգային հարթակներին
«Փաստ»-ը ստացել է Հայաստանի մի շարք քաղաքացիների դիմումը, ովքեր տեղեկացնում են, որ վերջին շրջանում տարբեր պատճառաբանություններով փակվել են իրենց յութուբյան ալիքները, ֆեյսբուքյան էջերը և անհատական օգտահաշիվները։ Դիմողներն ընդգծում են, որ խոսքը վերաբերում է հիմնականում այն օգտատերերին, ովքեր իրենց հրապարակումներում արտահայտել են մտահոգություններ երկրի ներկայի և ապագայի վերաբերյալ՝ փորձելով մասնակցել հանրային քննարկումներին։
Դիմումի հեղինակները նշում են, որ նման սահմանափակումները հակասում են ազատ խոսքի հիմնարար իրավունքին և անհամատեղելի են ժողովրդավարական արժեքների հետ։ Նրանց համոզմամբ՝ երբ սահմանափակվում է քաղաքացիների ազատ արտահայտվելու հնարավորությունը, վտանգի տակ է հայտնվում ոչ միայն անհատի իրավունքը, այլև հանրային առողջ քննարկումների միջավայրը։
Դիմումում մասնավորապես ասվում է․
«Մենք՝ Հայաստանի Հանրապետության ակտիվ քաղաքացիներս, դիմում ենք ԱՄՆ սենատորներին՝ Ջին Շահինին և Թոմ Թիլիսին, ինչպես նաև համապատասխան հարթակների ղեկավարներին՝ վերանայելու և վերականգնելու հայ օգտատերերի յութուբյան ալիքները, ֆեյսբուքյան էջերը և անհատական օգտահաշիվները, որոնք փակվել են առանց բավարար հիմնավորման։
Մենք խորապես մտահոգված ենք այն հանգամանքով, որ ժողովրդավարական արժեքներ հռչակող միջավայրում սահմանափակվում է ազատ խոսքի իրավունքը։ Փակվում են հասարակ քաղաքացիների ալիքները, էջերը և օգտահաշիվները, որոնք արտահայտում են իրենց դիրքորոշումը և մտահոգված են իրենց երկրի վաղվա օրով։
Խնդրում ենք ԱՄՆ սենատորներին՝ Ջին Շահինին և Թոմ Թիլիսին և համապատասխան հարթակների ղեկավարներին՝ ուշադրություն դարձնել այս խնդրին և աջակցել արդարության վերականգնմանը։ Հուսով ենք, որ մեր դիմումը չի մերժվի, և կարճ ժամանակահատվածում կվերականգնվեն մեր ալիքները և էջերը»։
Դիմումի հեղինակները վստահություն են հայտնում, որ բարձրացված հարցը կստանա անհրաժեշտ արձագանք, և խնդիրը կլուծվի իրավաչափ և թափանցիկ գործընթացների շրջանակում՝ ապահովելով խոսքի ազատության պահպանումը և օգտատերերի իրավունքների պաշտպանությունը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...