Մեծ Բրիտանիայում պաղեստինամետ երթերը կարող են ժամանակավորապես արգելվել․ Սթարմեր
Մեծ Բրիտանիայում պաղեստինամետ երթերը կարող են ժամանակավորապես արգելվել՝ հակասեմական հարձակումների պատճառով, այս մասին հայտարարել է Մեծ Բրիտանիայի վարչապետ Քիր Սթարմերը։
Սթարմերը նշել է, որ «կան հիմքեր» մի շարք դեպքերում բողոքի ցույցերն արգելելու համար:
«Կարծում եմ՝ ժամանակն է դիտարկել բողոքի ցույցերը որպես ամբողջություն և դրանց կուտակային ազդեցությունը: Հրեական համայնքից ինձ պատմել են երթերի կրկնվող բնույթի մասին: Ես դա ընդունում եմ», - նշել է նա։
Վարչապետը նաև կարծիք է հայտնել, որ բողոքի ցույցերի ժամանակ սադրիչ կարգախոսներ վանկարկողները պետք է քրեական պատասխանատվության ենթարկվեն: Նա որպես օրինակ բերել է պաղեստինյան ապստամբության կոչերը:
«Եթե դուք երթի կամ բողոքի ցույցի եք, որտեղ մարդիկ կոչ են անում համաշխարհային ինտիֆադայի, պետք է կանգ առնեք և ինքներդ ձեզ հարցնեք. «Ինչո՞ւ չեմ դատապարտում սա: Ի՞նչ եմ անում երթի ժամանակ, որտեղ մարդիկ նման բաներ են գոռում»»,-ասել է Սթարմերը:
Ավելի վաղ Մեծ Բրիտանիայի և Ազգերի համագործակցության Միացյալ հրեական համայնքի գլխավոր ռաբբի Եփրեմ Միրվիսը առաջարկել էր ժամանակավորապես արգելել պաղեստինամետ երթերը՝ Լոնդոնի հյուսիսում տեղի ունեցած ահաբեկչական հարձակումից հետո։ Պահպանողական կուսակցությունը և աջակողմյան «Reform UK» պոպուլիստական կուսակցությունը կոչ արեցին Լեյբորիստական կառավարությանը ավելի կոշտ դիրքորոշում ցուցաբերել ցույցերի նկատմամբ։ Միևնույն ժամանակ, «Կանաչները» և ձախակողմյան «Your Party» կուսակցությունը հայտարարել են, որ հակասեմական հարձակումները չպետք է օգտագործվեն որպես քաղաքացիական ազատությունների սահմանափակման հիմք։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...