Հայաստանը կարևոր դեր է կատարում Եվրոպայի մատակարարման շղթաների համար. ֆոն դեր Լայեն
Հայաստանի կապակցվածությունը կարևոր դեր է կատարում Եվրոպայի մատակարարման շղթաների համար: «Արմենպրես»-ի փոխանցմամբ՝ այս մասին հայտարարել է Եվրոպական հանձնաժողովի նախագահ Ուրսուլա ֆոն դեր Լայենը գագաթնաժողովին ժամանելիս լրագրողների հետ ճեպազրույցում:
Ֆոն դեր Լայենը նաև առանձնացրել է այն թեմաները, որոնք քննարկվելու են Երևանում Եվրոպական քաղաքական համայնքի 8-րդ գագաթնաժողովի շրջանակում: Դրանք են Եվրոպայի անկախությունը, մասնավորապես՝ էներգետիկ անկախությունը, պաշտպանությունն ու անվտանգությունը, ինչպես նաև մատակարարման հուսալի շղթաները:
Պաշտոնյան նշել է, որ Եվրոպան մեծապես կախված է ներմուծվող հանածո վառելիքից: Այս կախվածությունը թոթափելու համար նա շեշտել է վերականգնվող էներգիայի և միջուկային էներգիայի կարևորությունը:
«Մենք պետք է ընդլայնենք էներգիայի արտադրության հնարավորությունները Եվրոպայում։ Դրանք ներառում են վերականգնվող էներգիայի աղբյուրները և միջուկային էներգիան, որոնք թույլ են տալիս մեզ էներգիա արտադրել ներսում։ Դրանք ավելի էժան են և ավելի հուսալի», – ասել է նա:
Եվրահանձնաժողովի նախագահը նաև կարևորել է պաշտպանական և անվտանգության հարցերը:
«Մենք պետք է ամրապնդենք մեր ռազմական կարողությունները, որպեսզի կարողանանք պաշտպանել ինքներս մեզ», – ասել է նա՝ հավելելով, որ դրա համար ներդրումային միջոցներ կան, և այժմ հարկավոր է արագացնել ռազմական կարողությունների արտադրության գործընթացը:
Որպես քննարկման երրորդ թեմա ֆոն դեր Լայենը նշել է մատակարարման հուսալի շղթաները, որի նպատակով կապ է հաստատվում այն երկրների հետ, որոնց հետ գործում են ազատ առևտրի համաձայնագրեր: Նա առանձնացրել է Լատինական Ամերիկան, Հնդկաստանը, Ավստրալիան: Հենց այս համատեքստում է նա հիշատակել Հայաստանի կարևորությունը Եվրոպայի մատակարարման շղթաների համար:
Նա նշել է, որ Հայաստանը «կարևոր» դեր է կատարում հատկապես Հարավային Կովկասի և Կենտրոնական Ասիայի կապակցվածության հարցում:
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»