ԵՄ-ն ստանձնում է Փաշինյանի լիակատար պաշտպանությունը
Եվրամիությունը և այդ կառույցի առանձին երկրներ այլևս չեն էլ թաքցնում, որ բացահայտ աջակցում են Նիկոլ Փաշինյանին՝ Ռուսաստանի դեմ նոր ճակատ բացելու նպատակով։ Երեկ Երևանում Նիկոլ Փաշինյանի հետ համատեղ ասուլիսում՝ ռազմավարական գործընկերության հռչակագիր ստորագրելուց հետո, Ֆրանսիայի նախագահ Մակրոնը բացեիբաց հայտարարել է, որ աջակցելու է Նիկոլ Փաշինյանին՝ ընդդեմ Մոսկվայի։
«Ես ստանձնում եմ Փաշինյանին աջակցելու պարտավորությունը, որին վստահում եմ 8 տարի, օտարերկրյա գործակալների կողմից կան միջամտություններ՝ Մոսկվայի պատվերով, փորձում են կեղծել ժողովրդավարությունը»,- հայտարարել է Մակրոնը՝ պատասխանելով հարցին, թե իր աջակցությունը Փաշինյանին արդյո՞ք օտարերկրյա միջամտություն չէ։ «Նույնը արել եմ Մայա Սանդուի դեպքում, Մայա Սանդուն՝ ով դիմակայում էր ոչ եվրոպական ընտրության։ Այստեղ բաց երեսով միջամտություն է, և հակառակը՝ կան միջամտություններ օտարերկրյա գործակալների կողմից՝ Մոսկվայի պատվերով»,- նշել է նա։
Մակրոնը արտաքին միջամտություն չի համարում իր այցը Հայաստան՝ ընտրությունների նախաշեմին։ «Տարբերությունը սրանում է։ Բոլոր հարաբերությունները բացահայտ ներկայացված են։ Շատ պետություններ գնացել են աջակցելու Մայա Սանդուին։ Չի կարելի խոսել այստեղ միջամտության մասին, այստեղ բաց երեսով միջամտություն է։ Եվ հակառակը՝ կան այլ միջամտություններ՝ օտարերկրյա գործակալների միջոցով՝ Մոսկվայի պատվերով, որոնք փորձում են կեղծել ժողովրդավարությունը։ Ես չեմ կեղծում»,- Փաշինյանի հետ ասուլիսի ժամանակ ասել է Ֆրանսիայի նախագահը։
Ֆրանսիայի նախագահը վերջին երկու օրերին դարձել է Հայաստանի գլխավոր մեդիա դեմքը՝ Փաշինյանի հետ շրջելով թե՛ Երևանի, թե՛ Գյումրիի փողոցներում, հանդիպելով հասարակ քաղաքացիների հետ, փորձելով բարձրացնել Նիկոլ Փաշինյանի վարկանիշը։ Թե որքանով դա կհաջողվի նրան, ցույց կտա ժամանակը։
Միևնույն ժամանակ պարզվեց, որ Հայաստանում երկու կարևորագույն գագաթնաժողովներ անցկացնելը պրակտիկ և աշխարհաքաղաքական որևէ օգուտ մեր երկրին չի տվել, այլ ընդամենը Նիկոլ Փաշինյանի համար օգտագործվել է սեփական ներքաղաքական և արտաքին քաղաքական օրակարգերն առաջ մղելու համար, որոնք ամենևին էլ կապ չունեն Հայաստանի Հանրապետության իրական շահերի հետ։ Ըստ էության, Եվրամիությունն այլևս չի էլ թաքցնում իր բուն նպատակը, և սա է հենց ամենավտանգավորը և ազդակը հայ ժողովրդի համար, թե ուր կարող է տանել Հայաստանին նման հակառուսականությունը։
Մանե Կիրակոսյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...