Բաքուն դատապարտել է Ֆրանսիայի «անընդունելի» և «սադրիչ» հայտարարությունները

Մենք կտրականապես մերժում ենք Ֆրանսիայի արտաքին գործերի նախարար Ժան-Նոել Բարոյի կողմից մայիսի 6-ին Ֆրանսիայի Սենատում Ադրբեջանի դեմ արված հայտարարությունները։

Ըստ APA-ի՝ այս մասին հայտարարել է Ադրբեջանի արտաքին գործերի նախարարության մամուլի խոսնակ Այհան Հաջիզադեն։
Նա նշել է, որ ֆրանսիացի նախարարի կողմից «Լեռնային Ղարաբաղ» տերմինի օգտագործումը՝ Ադրբեջանի ինքնիշխան տարածք հանդիսացող ղարաբաղյան տարածաշրջանի վերաբերյալ, անընդունելի է։

«Այն ժամանակ, երբ տարածաշրջանում ստեղծվել են կայուն խաղաղության պայմաններ՝ Ադրբեջանի կողմից իր ինքնիշխան տարածքներում միջազգային իրավունքի նորմերին և սկզբունքներին համապատասխան սանձազերծված պատերազմից հետո, մենք կտրականապես դատապարտում ենք ֆրանսիական կողմի նման սադրիչ հայտարարությունները, որոնք կասկածի տակ են դնում Ադրբեջանի ինքնիշխանությունը սեփական տարածքների նկատմամբ, ինչպես նաև նրա մշակութային և կրոնական ժառանգության պահպանումը։

Ֆրանսիացի նախարարը, անտեսելով հայկական օկուպացիայի ընթացքում ադրբեջանական տարածքներում հարյուրավոր մզկիթների և մշակութային ժառանգության այլ նմուշների ոչնչացումը, մեկնաբանում է օկուպացիայից մնացած որոշ շենքերի քանդումը և անտեղի հղում է կատարում Միջազգային դատարանում քննվող գործին։ Սա երկկողմանի մոտեցման հստակ օրինակ է», – նշել է արտաքին գործերի նախարարության խոսնակը։