Հայ-ռուսական հարաբերությունները Հայաստանի պետության անվտանգության մասին է․ Մհեր Ավետիսյան

Մհեր Ավետիսյանը ֆեյսբուքյան իր էջում գրել է․

Ժողովուրդ ջան, մենք վերջապես պետք է հասկանանք, որ հայ-ռուսական հարաբերությունները դա գազի գնի, Ռուսաստանում պոմիդոր կամ ծիրան վաճառելու, մեծ հաշվով տնտեսության և լավ ապրելու մասին չի։ Հայ-ռուսական հարաբերությունները Հայաստանի պետականության, սուվերենության, անկախության, Հայաստանի՝ որպես պետություն լինել-չլինելու մասին ա, հայ ժողովրդի անվտանգության մասին ա։ Հայ-ռուսական հարաբերությունները դա Հայաստանի պետության անվտանգության մասին ա։

Սա պետք ա հասկանային մեր էլիտաները՝ քաղաքական, որպեսզի բացատրեին մեր ժողովրդին, բայց, ցավոք սրտի, մեր քաղաքական էլիտաներն էլ սա չեն հասկանում կամ չեն ուզում հասկանալ։ Բայց ամենացավալին էն ա, որ մեր քաղաքական էլիտաները, այն մարդիկ, ովքեր ուզում են լինել առաջնորդ և առաջնորդել պետությունն ու ժողովրդին, նաև չեն կարողանում հասկանալ, որ առաջնորդը պետք է առաջնորդի սեփական երկիրն ու ժողովրդին, այլ ոչ թե մտածի՝ տեսնենք ժողովրդին ի՞նչ ա դուր գալիս, այդպիսի բաներ ասենք, որ ժողովրդի սիրուն արժանանանք։

Իսկական առաջնորդը պետք ա ժողովրդին ասի ճշմարտությունը, նույնիսկ եթե լավ գիտի, որ էդ ճշմարտությունը ժողովրդին տվյալ պահին դուր չի գալու, և ինքը ենթարկվելու ա քննադատությունների, հայհոյանքների։ Միևնույնն ա՝ ինքը պետք ա ճշմարտությունը ասի։