ՌԴ ԱԳՆ-ն սրում է հռետորաբանությունը, բայց առայժմ զերծ են մնում կոշտ քայլերից
Շարունակում են դժգոհություններ հնչել Երևանում Եվրամիության 2 գագաթնաժողովների անցկացման, դրանց Զելենսկուն հրավիրելու և Ռուսաստանի հասցեին սպառնալիքներ հնչեցնելու կապակցությամբ։ Ռուսաստանի ԱԳՆ-ից հայտարարել են, թե Եվրամիությունը նպատակ ունի Հայաստանը կտրել հուսալի անվտանգության համակարգից և կայուն տնտեսական կապերից։
«Մենք բազմիցս խոսել ենք Հարավային Կովկասում և Հայաստանի նկատմամբ Բրյուսելի իրական նպատակների մասին։ Գործընկերության խորացման, բարեփոխումներին աջակցելու և ժողովրդավարությանը սատարելու գեղեցիկ կարգախոսների հետևում թաքնված է միանգամայն գործնական հաշվարկ՝ հանրապետությունը կտրել հուսալի անվտանգության համակարգից և կայուն տնտեսական կապերից։ Ընդ որում, այն գործիքներին, որոնք տասնամյակներ շարունակ ապահովել են երկրի կայունությունը, որևէ հստակ այլընտրանք չի առաջարկվում»,- պնդել են գերատեսչությունում։
Ռուս դիվանագետները հավելել են, թե Երևանը շարունակում է մնալ Մոսկվայի դաշնակիցը, Եվրասիական տնտեսական միության և Հավաքական անվտանգության պայմանագրի կազմակերպության լիիրավ անդամը՝ չնայած ՀԱՊԿ-ի հետ հարաբերությունների սառեցմանը։ Ըստ էության, պաշտոնական Մոսկվան իր կոշտ հռետորաբանությանը զուգահեռ առայժմ հույսը չի կտրել, որ կարող է Հայաստանի իշխանություններն ի վերջո խելքի գան, կամ էլ խորհրդարանական ընտրություններից հետո իշխանության գա այնպիսի ազգային իշխանություն, որը սեփական երկրի շահերն ավելի բարձր դասի, քան արևմտյան հովանավորների պահանջները։
Ցանկացած պարագայում, նույնիսկ կոշտ հռետորաբանության սրման դեպքում, Ռուսաստանն առայժմ զերծ կմնա Հայաստանի նկատմամբ ինչ-որ չափազանց կոշտ քայլերից։ 1-2 տնտեսական բնույթի ճնշումներ հնարավոր են, բայց առայժմ բոլորն են սպասում հունիսի 7-ին կայանալիք խորհրդարանական ընտրությունների արդյունքներին, որից հետո արդեն պարզ կլինի, թե որ ուղղությամբ են շարժվելու թե՛ հայ-ռուսական, թե՛ մյուս բոլոր երկրների հետ հարաբերությունները։
Աննա Մարգարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...