Սպառնալի՞ք, թե՞ զգուշացում Մոսկվայից
Վերջին շրջանում Հայաստանի գործող իշխանությունների հակառուսական քաղաքականության ֆոնին Մոսկվայում բազմաթիվ հայտարարություններ են հնչում։ Բայց նախօրեին Ռուսաստանի նախագահ Վլադիմիր Պուտինի հայտարարությունը ոչ միայն ուղենշային է, այլև լուրջ մտորումների տեղիք պետք է տա Հայաստանի գործող իշխանություններին։ Մասնավորապես, Պուտինը հայտարարել է, թե և՛ Հայաստանի քաղաքացիների, թե՛ Ռուսաստանի՝ որպես հիմնական տնտեսական գործընկերոջ համար ճիշտ կլինի, որ Երևանը հնարավորինս արագ որոշում կայացնի ԵՄ-ին միանալու վերաբերյալ։
Պուտինի խոսքով՝ Հայաստանը զգալի առավելություններ է ստանում Եվրասիական տնտեսական միությունից․ սա վերաբերում է թե՛ գյուղատնտեսությանը, թե՛ վերամշակող արդյունաբերությանը, թե՛ մաքսային ու այլ տուրքերին, թե՛ միգրացիոն և այլ ոլորտներին։ «Մեր գործը չէ, բայց, սկզբունքորեն, լիովին տրամաբանական կլիներ հանրաքվե անցկացնել և հասկանալ, թե ինչպիսին է հայ քաղաքացիների ընտրությունը։ Մենք կանեինք համապատասխան եզրակացություններ և կձգտեինք մեղմ, խելացի և փոխշահավետ բաժանման։ Ի վերջո, մենք այժմ ականատես ենք լինում Ուկրաինայում տեղի ունեցողին։ Բայց ինչպե՞ս սկսվեց այդ ամենը՝ Ուկրաինայի ԵՄ-ին անդամակցությամբ կամ անդամակցության փորձով։ Դա առաջին փուլն էր, պարզապես առաջին փուլը»,- ասել է ՌԴ նախագահը։
Ուկրաինայի մասին ակնարկը կարելի է տարբեր կերպ մեկնաբանել, այդ թվում՝ նաև բացահայտ սպառնալիք Մոսկվայից, բայց և ռուսական կողմն էլ ցանկանում է հասկանալ, թե դեպի ուր է սլանում Հայաստանի գործող իշխանությունը և ինչպես կարող են հույս դնել այդպիսի իշխանության վրա, եթե Փաշինյանն անընդհատ հայտարարում է, թե Երևանը գնում է դեպի Եվրամիություն, բայց շարունակում է խորացնել տնտեսական կապերը Ռուսաստանի հետ։ Իսկ Արևմուտքի հետ գրեթե պատերազմական իրավիճակում գտնվող Ռուսաստանի համար սա, մեղմ ասած, անընդունելի կարող է դիտվել, ուստի և օբյեկտիվորեն հարցադրումներ են անում Հայաստանի գործող իշխանություններին։ Բնական է՝ առնվազն մինչև խորհրդարանական ընտրությունները Փաշինյանը շարունակելու է խուսանավել։ Նույնիսկ Ռուսաստանի նախագահի հայտարարությունը նա Ջերմուկում հրաժարվել է մեկնաբանել, որևէ բառ չի ասել այդ կապակցությամբ։
Սոնա Գալստյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...