Փաշինյանի քննադատությանը միացան ռուս կոմունիստները
Ռուսաստանի Կոմունիստական կուսակցության առաջնորդ Գենադի Զյուգանովը Պետդումայի լիագումար նիստում պահանջել է, որ Մոսկվան դադարի հյուրընկալել Նիկոլ Փաշինյանին: Այս հայտարարությունը հնչել է մի քանի օր անց այն բանից, երբ Վլադիմիր Պուտինը Հայաստանում տեղի ունեցող իրադարձությունները համեմատել էր Ուկրաինայի իրադարձությունների հետ։
«Ես կարող էի պատկերացնել ամեն ինչ, բացի այն, որ Երևանից կհնչեն Կարմիր հրապարակին կրակելու սպառնալիքներ»,- ասել է նա՝ առանց Ուկրաինայի նախագահ Վլադիմիր Զելենսկիի անունը նշելու, բայց հստակորեն նկատի ունենալով նրա ելույթը Երևանում: Մայիսի 4-ին, Երևանում Եվրոպական քաղաքական համայնքի գագաթնաժողովի բացման ժամանակ ունեցած ելույթում Ուկրաինայի նախագահն ասել էր, որ ռուսները վախենում են, որ «Կարմիր հրապարակի վրայով անօդաչու թռչող սարքեր կբզզան»:
«Հարց է առաջանում, ինչո՞ւ են նրանք սա թույլ տալիս Երևանում և ինչո՞ւ են Փաշինյանին ընդունում Մոսկվայում: Ես պնդելու եմ, որ այս գործիչը, անկախ նրանից, թե ինչպես են նրան քվեարկում, այլևս երբեք չհայտնվի մեր մայրաքաղաքում»,- ասել է Զյուգանովը։ Կոմունիստական կուսակցության առաջնորդի պնդմամբ՝ Հայաստանի վարչապետը «նվաստացրել և վիրավորել է Ռուսաստանին», և որ ավելի մեծ վիրավորանք դժվար է պատկերացնել մեծ տոնի նախօրեին։ Ռուսական կոմկուսի առաջնորդի այս հայտարարությունն ամենևին էլ պատահական չէ և տեղավորվում է վերջին օրերին Մոսկվայից հնչող քննադատական հայտարարությունների մեջ։
Բնականաբար, այն համաձայնեցված է եղել պաշտոնական Կրեմլի հետ, որտեղից ամենօրյա պարբերականությամբ խիստ հայտարարություններ են հնչում Հայաստանի իշխանությունների հասցեին։ Մեծ հաշվով, եթե Մոսկվայում որոշել ընդունել Նիկոլ Փաշինյանին, ապա որևէ մեկը Զյուգանովին չի նայի, բայց և վերջինիս ազդեցությունը թերագնահատել ևս չարժե։ Իսկ Ռուսաստանը առաջիկայում շատ ավելի խիստ հայտարարություններ է անելու, թերևս, չանցնելով կոշտ քայլերի, որոնք կարող են սպասելի լինել արդեն խորհրդարանական ընտրություններից հետո, եթե Փաշինյանին, իհարկե, հաջողվի կրկին զավթել իշխանությունը, իսկ այն, որ դրա հնարավորությունները չափազանց նվազ են, որևէ մեկը չի կասկածում։
Տաթև Բադալյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...