ԱՄՆ-ը ակտիվացնում է TRIPP-ի շուրջ աշխատանքները
Նիկոլ Փաշինյանը հավաստիացնում է, որ TRIPP նախագծի իրագործման շուրջ ամենօրյա աշխատանք է իրականացվում Հայաստանի ու Միացյալ Նահանգների միջև։ Նրա խոսքով՝ այժմ կողմերի միջև ընթանում են նախագծի շուրջ միջպետական պայմանագրի նախագծի վերջնականացման աշխատանքները։ «Նախագծի շուրջ տեղի են ունենում զուգահեռ գործընթացներ․ և՛ տարածքների ուսումնասիրություն է տեղի ունենում, և՛ չի բացառվում, որ, օրինակ, որոշ ենթակառուցվածքների հիմնանորոգում սկսենք՝ երկաթգծի կայարանների և այլնի»,– նշել է Նիկոլ Փաշինյանը։
Նրա խոսքով՝ գործընթացի շրջանակներում նաև միջպետական պայմանագրի նախագծի վերջնականացման աշխատանքներն են ընթանում։ «Մենք ցանկանում ենք հնարավորինս շուտ ստորագրել այն և դե յուրե ուժ հաղորդել դրան։ Գործնականում ամենօրյա աշխատանք է գնում TRIPP-ի շուրջ»,– ընդգծել է Փաշինյանը՝ ասելով, որ այժմ իրականացվում է ինչպես տարածքի ուսումնասիրություն, ներդրումային հետաքրքրությունների ուսումնասիրություն, կառավարման մոդելների ուսումնասիրություն, այնպես էլ դե յուրե նշանակություն ունեցող պայմանագրի ուսումնասիրություն։
Փոխվարչապետ Մհեր Գրիգորյանը մայիսի 12-ին ընդունել էր ԱՄՆ Պետդեպի պատվիրակությանը։ Նրանք քննարկել և համաձայնեցրել էին TRIPP-ի իրականացման հետ կապված գործառնական և իրավական բնույթի մի շարք հարցեր։ Մայիսի 13-ին էլ ընդունել էին Հայաստան այցելած ամերիկյան ԱՄՆ պետքարտուղարության «Գլոբալ ենթակառուցվածքների ու ներդրումների շուրջ գործակցության հիմնադրամի» պատվիրակությամբ Հայաստան ժամանած ամերիկյան AECOM ընկերության թիմին։ Հանդիպման ընթացքում AECOM-ի ներկայացուցիչները փոխվարչապետին ներկայացրել են մշակվելիք տեխնիկատնտեսական գնահատման շուրջ աշխատանքների հիմնական ուղղություններն ու ակնկալվող արդյունքները։
Տևական ժամանակ, իրանական պատերազմի հետ պայմանավորված, ԱՄՆ-ը քայլեր չէր ձեռնարկում TRIPP նախագծի ուղղությամբ, ավելին, խոսակցություններ էին շրջանառվում, որ այդ նախագիծը վտանգի տակ է՝ կապված թե՛ Իրանի և թե՛ Ռուսաստանի դիրքորոշման հետ։ Բայց այժմ ամերիկյան կողմը ոչ միայն զգալի ավելացրել է իր ակտիվությունը, այլև գործնական քայլեր է ձեռնարկում այդ ուղղությամբ՝ փորձելով առնվազն մինչև խորհրդարանական ընտրություններ Հայաստանի իշխանություններին դնել այնպիսի իրավիճակի մեջ, որ նույնիսկ նոր իշխանության պայմաններում մեր երկիրը խնդիրների բախվի, եթե փորձի հրաժարվել վտանգավոր նախագծից։
Մանե Կիրակոսյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...