ԱՄՆ-ի չափազանցված պահանջները Միջուկային զենքի չտարածման մասին պայմանագիրը մղում են ազատ անկման․ ՄԱԿ-ում Իրանի մշտական ներկայացուցչություն
Միջուկային զենքի չտարածման մասին պայմանագրի վերանայման համաժողովը երրորդ անգամ անընդմեջ ավարտվել է առանց ամփոփիչ փաստաթղթի՝ ԱՄՆ-ի և նրա դաշնակիցների գործողությունների պատճառով։ Նման հայտարարությամբ հանդես է եկել ՄԱԿ-ում Իրանի մշտական ներկայացուցչությունը։
«ԱՄՆ-ի չափազանցված պահանջները Միջուկային զենքի չտարածման մասին պայմանագիրը մղում են ազատ անկման»,- ասված է հայտարարության մեջ։
Իրանի մշտական ներկայացուցչությունից հայտնել են, որ վերանայման համաժողովը երրորդ անգամ անընդմեջ ձախողվել է Ամերիկայի Միացյալ Նահանգների և նրա դաշնակիցների կողմից իրականացված խոչընդոտման պատճառով։ Իրանական կողմը նաև նախազգուշացրել է, որ առանց միջուկային զինաթափման հնարավոր չէ պատկերացնել Միջուկային զենքի չտարածման մասին պայմանագրի ապագան։
Ավելի վաղ ՄԱԿ-ում Վիետնամի մշտական ներկայացուցիչ Դո Հունգ Վիետը, ով իրականացնում է համաժողովի նախագահի գործառույթները, հայտարարել էր, որ համաժողովի արդյունքներով չի հաջողվել կոնսենսուսի հասնել ամփոփիչ փաստաթղթի շուրջ։
Ապրիլի 27-ին Նյու Յորքում՝ ՄԱԿ-ի կենտրոնակայանում, իր աշխատանքներն էր սկսել ՄՀՏ գործողության դիտարկման 11-րդ վերանայման համաժողովը։ Այս համաժողովն անցկացվում է հինգ տարին մեկ անգամ և հավաքում է պայմանագրի գրեթե բոլոր մասնակից երկրներին (191 պետություն)՝ գնահատելու, թե ինչպես է կատարվում Միջուկային զենքի չտարածման մասին պայմանագիրը երեք հիմնական ուղղություններով՝ չտարածում, միջուկային զինաթափում և ատոմային էներգիայի խաղաղ օգտագործում։ Համաժողովի աշխատանքներն ավարտվել են ուրբաթ օրը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...