Ռուսաստանն անցել է տնտեսական պատժամիջոցների
Ռուսաստանն արդեն իսկ անցել է տնտեսական պատժամիջոցների Հայաստանի իշխանությունների դեմ, ինչը Մոսկվայից վերջին շաբաթներին հնչող կոշտ արձանագրումների հետևանքն է։ Նշենք, որ Պետդումայի նախագահ Վյաչեսլավ Վոլոդինը հայտարարել էր, թե Նիկոլ Փաշինյանն օգտվում է Ռուսաստանի կողմից տրամադրված հնարավորություններից՝ միաժամանակ կայացնելով Ռուսաստանի նկատմամբ անբարյացակամ քաղաքական որոշումներ։ «Եվ Մոսկվան պետք է որոշում կայացնի։ Մենք այլևս չենք կարող լռել Հայաստանում տեղի ունեցող գործընթացների մասին»,- գրել էր Վոլոդինը։
Մեկ այլ բարձրաստիճան պաշտոնյա՝ փոխվարչապետ Ալեքսեյ Օվերչուկն էլ նշել էր, թե ոչ ոք չի ցանկանում, որ Հայաստանը դուրս գա Եվրասիական տնտեսական միությունից, բայց իրավիճակն արտասովոր է։ «Ռոսսելխոզնադզորը» Հայաստանից արգելել է ոչ միայն ծաղիկների ներմուծումը, այլև խնդիրներ ունի հայկական բանջարեղենի և մրգերի մատակարարումների հետ։ Կառույցի ղեկավար Սերգեյ Դանկվերտը նշել է, որ հայկական ձեռնարկություններում ստուգումներ են անցկացնելու, որից հետո որոշում կկայացնեն, քանի որ ֆիտոսանիտարական կանոնների խախտման դեպքեր են արձանագրել։ Երեկ նաև հայտնի դարձավ, որ «Ռոսպոտրեբնադզորը» կասեցրել է «Ջերմուկի» ներկրումը և վաճառքը Ռուսաստանում։
Պնդում են, թե հանքային ջուրը չի համապատասխանում մակնշման մեջ նշված տեղեկատվությանը։ Այսօր էլ նույն այդ կառույցը հայտարարել է, թե հայտնաբերել է Հայաստանում արտադրվող անորակ ալկոհոլային խմիչքներ, և դրանց վաճառքը Ռուսաստանում կասեցվել է։
Ըստ կառույցի՝ պարտադիր պահանջներին չեն համապատասխանել «Վեդի Ալկո»-ի, Աբովյանի կոնյակի գործարանի և «Շահնազարյան» գինու և կոնյակի տան արտադրանքը։ Ընդ որում, ակնհայտ է, որ թիրախում հենց այն գործարարներն են, որոնք սերտ կապեր ունեն փաշինյանական իշխանության հետ․ թե՛ «Ջերմուկի» Արսենյանները, և թե՛ «Վեդի Ալկո»-ի սեփականատերը մտերիմ են գործող իշխանության հետ։ Ռուսաստանի կողմից այս քայլերի իրականացումը ամենևին էլ անակնկալ չէր․ ռուսական կողմը քանիցս զգուշացրել է Հայաստանի իշխանություններին, բայց վերջիններս շարունակել են նույն կերպ պահել իրենց քաղաքականության մեջ, ուստի և բնական է, որ դրան հետևելու էին տնտեսական բնույթի պատժամիջոցներ։
Տաթև Բադալյան
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»