Եվրադիտորդները կրկին սվաղում են Փաշինյանի հանցանքները
ԵԱՀԿ-ի Ժողովրդավարական հաստատությունների և մարդու իրավունքների գրասենյակը (ԺՀՄԻԳ) հրապարակել է իր երկրորդ միջանկյալ զեկույցը, որտեղ, թեև որոշակի առաջընթաց կա առաջին զեկույցի համեմատ, բայց եվրադիտորդները դեռ շարունակում են սվաղել ՀՀ գործող իշխանությունների հանցագործությունները։ Պնդելով, թե Հայաստանի խորհրդարանական ընտրություններն անցկացվում են բևեռացված միջավայրում, ԵԱՀԿ/ԺՀՄԻԳ-ը մի քանի պատճառ է նշում։
Ըստ դիտորդների՝ ընտրական միջավայրը պայմանավորված է համաձայնագրի վավերացման և կիրարկման, սահմանադրական բարեփոխումների գործընթացի, երկրի արտաքին քաղաքական կողմնորոշման խնդիրներով։ Բևեռացման մյուս պատճառների թվում ԺՀՄԻԳ-ը նշել է կառավարության և Հայ Առաքելական եկեղեցու առաջնորդների միջև լարվածությունը, ինչպես նաև ընդդիմության ներկայացուցիչների նկատմամբ հարուցված քրեական գործերը։
Առաջին զեկույցում, հիշեցնենք, ԺՀՄԻԳ-ը պարզապես Հայ առաքելական եկեղեցուն մեղադրել էր քաղաքականությանը ներքաշվելու մեջ։ Ընդդիմության բարձրացրած աղմուկից հետո, թերևս, որոշել են այս անգամ անշառ տեքստեր երկնել, թեև սա էլ հեռու է անկողմնակալ լինելու պահանջից։
«Քարոզչությունն ընթանում է ակտիվ և կենտրոնացած է Ադրբեջանի հետ խաղաղության գործընթացի, արտաքին քաղաքականության, տնտեսության, զբաղվածության, իրավունքի գերակայության և կոռուպցիայի դեմ պայքարի հարցերի վրա։ Քարոզչական խոսույթն ունի պառակտող և կոշտ բնույթ և աչքի է ընկնում պատերազմական հռետորաբանությամբ, հատկապես կառավարության «Իրական Հայաստան» ծրագրի, ինչպես նաև Հայ Առաքելական Եկեղեցու կարգավիճակի և հնարավոր բարեփոխումների շուրջ»,- նշում են զեկույցի հեղինակները։
Թերևս, որևէ հույս չկա, որ արդեն հաջորդ զեկույցներում եվրադիտորդները կբարեհաճեն ճիշտը պատկերել։ Ընդհակառակը, Արևմուտքը Փաշինյանին քարտ-բլանշ է տվել՝ ամեն գնով վերարտադրվելու, և այդ ճանապարհին ոչնչի առջև կանգ չեն առնի։
Աննա Մարգարյան
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»