Բելառուսի ընդդիմության առաջնորդն առաջին պաշտոնական այցով ժամանել է Կիև
Բելառուսի ընդդիմադիր ժողովրդավարական ուժերի առաջնորդ Սվետլանա Տիխանովսկայան Ուկրաինայի նախագահ Վոլոդիմիր Զելենսկու հրավերով մայիսի 25-ին ժամանել է Կիև։ «Արմենպրես»-ի փոխանցմամբ՝ այս մասին հաղորդում է բելառուսական ընդդիմադիր Zerkalo պարբերականը։
Սա Տիխանովսկայայի առաջին այցն է Ուկրաինա։Նախատեսված է, որ Տիխանովսկայան հանդիպումներ կունենա Ուկրաինայի ղեկավարության հետ։ Նա նաև կմասնակցի Քաղաքների և տարածաշրջանների միջազգային գագաթնաժողովին։ Այս ամենամյա միջոցառումը, որը Ուկրաինայի նախագահին կից տեղական և տարածաշրջանային իշխանությունների կոնգրեսի մաս է կազմում, նպատակ ունի միջազգային աջակցություն ներգրավել երկրի վերականգնման համար։
Ավելի վաղ Սվետլանա Տիխանովսկայան դատապարտել է Կիևի և Ուկրաինայի այլ քաղաքների վրա անօդաչուներով և հրթիռներով Ռուսաստանի իրականացրած զանգվածային հարձակումը՝ նշելով, որ «ահաբեկչությունը հովանավորվում է Լուկաշենկոյի ռեժիմի կողմից»։
Նա համերաշխություն է հայտնել ուկրաինացիներին և վստահություն հայտնել նրանց հաղթանակի վերաբերյալ։ Զելենսկին իր հերթին հրապարակավ շնորհակալություն է հայտնել նրան աջակցության համար։
Մայիսի 22-ին Ուկրաինայի արտաքին գործերի նախարար Անդրեյ Սիբիհան, մեկնաբանելով Ալեքսանդր Լուկաշենկոյի՝ Զելենսկու հետ հանդիպելու առաջարկը, հայտարարել էր Տիխանովսկայայի առաջիկա այցի մասին՝ նշելով, որ Կիևն «ունի մեկին, որի հետ կարող է խոսել Բելառուսին վերաբերող բոլոր հարցերի շուրջ»։
Ուկրաինայի նախագահ Վոլոդիմիր Զելենսկին այս տարվա հունվարի վերջին Վիլնյուսում Տիխանովսկայայի հետ առաջին երկկողմ հանդիպման ժամանակ հրավիրել էր նրան Ուկրաինա։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»