Փաշինյանը հանրությանը պատրաստում է գազի գնի թանկացմանը
Նիկոլ Փաշինյանի հակառուսական քաղաքականությունը սպառնում է ոչ միայն քաղաքական, այլև տնտեսական հետևանքներով, իսկ գազի թանկացման մասին արդեն բացեիբաց խոսում են Մոսկվայից։ Ռուսաստանի արտգործնախարարության մամուլի քարտուղար Մարիա Զախարովան հայտարարել է, թե Ռուսաստանը միակողմանիորեն կդադարեցնի կամ կչեղարկի Հայաստանի հետ գազի, նավթամթերքի և հում ադամանդի մատակարարման վերաբերյալ համաձայնագիրը, եթե Հայաստանի անդամակցությունը Եվրամիությանը շարունակվի։
Ըստ Զախարովայի՝ ռուսական կողմը դեսպանատան միջոցով Երևանին է փոխանցել Ռուսաստանի էներգետիկայի նախարար Սերգեյ Ցիվիլևի նամակը, մինչդեռ Հայաստանի ՏԿԵՆ-ը նախօրեին հերքում էր այդ փաստը։ Մեկ օր առաջ էլ Ռուսաստանի նախագահի խոսնակ Դմիտրի Պեսկովը նշել է, թե գազի արտոնյալ գինը կարող է շուկայական դառնալ, եթե Երևանը որոշի լքել ԵԱՏՄ-ն։
Ընդ որում, Հայաստանի գործող իշխանությունները մի կողմից հայտարարում են, թե մտադիր չեն լքել ԵԱՏՄ-ն, մյուս կողմից փորձում են հասարակությանը պատրաստել գազի գնի հնարավոր թանկացմանը։ Նախընտրական հանդիպման ժամանակ Փաշինյանը հայտարարել է, թե Հայաստանը չի լինելու մի ճանապարհի հույսին, մի դաշնակցի հույսին, մի խողովակի հույսին։
«Այսօր մենք արդեն ունենք երկաթուղի՝ արևելքից արևմուտք, Ախալքալաք-Կարս երկաթուղին բացվեց, դրանից առաջ Ադրբեջանի տարածքով էր երկաթուղին բացվել, շուտով բացվելու է ԹՐԻՓՓ-ը, մեր երկրի տարածքով անցնելու է գազամուղ, այդ տարանցման հաշվին մենք ունենալու ենք մեր սեփական գազը, տարանցման համար մեզ վճարելու են գազով։ Մենք զարգացնելու ենք այլընտրանքային էներգետիկան»,- ասել է նա։
Ըստ էության, գործող իշխանության պարագլուխը գիտակցում է, թե թանկացումների ինչ շքերթ է սկսվելու, եթե Ռուսաստանը թանկացնի գազը, և հասարակությանը նախապատրաստում է։ Ավելին՝ փորձում է հենց հասարակությանը պատասխանատու դարձնել հնարավոր թանկացումների համար՝ ինքնիշխանության կեղծ խոսույթով հայ հասարակությանը պատրաստելով տնտեսական լուրջ բարդությունների։
Մոնիկա Կիրակոսյան
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»