Ռուսաստանի պատժամիջոցներն ուղիղ ազդելու են շարքային քաղաքացու վրա
«Ռոսսելխոզնադզոր»-ը մայիսի 30-ից ժամանակավոր սահմանափակումներ կմտցնի Հայաստանից ներմուծվող թարմ լոլիկի, վարունգի, պղպեղի, կանաչ բանջարեղենի և ելակի վրա։ Ըստ ռուսական կողմի՝ այս սահմանափակումը ուժի մեջ կմնա «մինչև առաքվող ապրանքների անվտանգությունն ապահովելու համար համապատասխան արձանագրության մշակումը»։ Մոսկվան պնդում է, թե մայիսի 21-ից 27-ը հայկական ձեռնարկություններում անցկացված ստուգումների արդյունքում հայկական արտադրանքի հետ կապված արձանագրվել է 181 խախտում, և «Հայաստանի իրավասու մարմինը չի ձեռնարկել համապատասխան միջոցներ՝ նախկինում հայտնաբերված խախտումների ուղղությամբ»։
Մոսկվայում արդեն բաց տեքստով խոսում են արտահանման համակարգում անկարգությունների, անհասկանալի ընկերությունների և վերահսկողության բացակայության մասին։ Մայիսի 22-ից էլ «Ռոսսելխոզնադզոր»-ը ժամանակավորապես սահմանափակել է Հայաստանից ծաղիկների ներմուծումը Ռուսաստան։ Այս սահմանափակումը վարչապետ Նիկոլ Փաշինյանը համարել էր հերթական աշխատանքային իրավիճակ։ Ռոսպոտրեբնադզորն էլ հանձնարարել է կասեցնել հայկական արտադրության «Ջերմուկ» հանքային ջրի 64,5 միլիոն շշի վաճառքը։ Որոշման հիմք են հանդիսացել արտադրողի կողմից տեխնիկական կանոնակարգման պահանջների խախտումները։ Ջրում հայտնաբերվել է հիդրոկարբոնատ իոնների, քլորիդների և սուլֆատների թույլատրելի քանակի գերազանցում։
Դա կարող է թյուրիմացության մեջ գցել սպառողին՝ ջրի բուժիչ հատկությունների հարցում, ինչպես նաև բացասաբար անդրադառնալ առողջության վրա։ Ցավալին այն է, որ հերթական անգամ հարվածի տակ են հայտնվում ոչ թե պաշտոնյաները, այլ գյուղացիները, ջերմոցատերերը, արտահանողները և հազարավոր ընտանիքներ, որոնց եկամուտը կախված է ռուսական շուկայից։ Իսկ մինչ այդ ՀՀ իշխանությունները շարունակում են իրենց հակառուսական քաղաքականությունը՝ դրանից բխող պրակտիկ և լուրջ հետևանքներով։
Սոնա Գալստյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանրային ակտիվության հետևանքը. «Փաստ»