«Ուժեղ Հայաստանը» կասկածի տակ է դնում ընտրությունների արդյունքները․ շտաբը հայտարարում է ճնշումների և խախտումների մասին
«Ուժեղ Հայաստան» դաշինքը հանդես է եկել հայտարարությամբ՝ արձագանքելով խորհրդարանական ընտրությունների նախնական արդյունքներին և պնդելով, որ ամբողջ ընտրական գործընթացն անցել է իշխանությունների կողմից կազմակերպված լայնածավալ ճնշումների ու վարչական ներգործության պայմաններում։
Դաշինքի կենտրոնական շտաբի ներկայացուցիչ Մարիաննա Ղահրամանյանի խոսքով՝ նախընտրական շրջանը ուղեկցվել է քաղաքական մրցակցության վրա ազդելու նպատակ ունեցող գործողություններով։ Ըստ հայտարարության՝ ճնշումների թիրախում են եղել դաշինքի առաջնորդը, թեկնածուները, համակիրներն ու թիմակիցները, իսկ մի շարք դեպքերում կիրառվել են ձերբակալություններ և քրեական հետապնդումներ։
Դաշինքում պնդում են, որ քվեարկության օրը լայնորեն օգտագործվել է վարչական ռեսուրսը՝ պետական և համայնքային լծակների ներգրավմամբ, ինչն, ըստ նրանց, նպատակ է ունեցել ազդել ընտրությունների արդյունքների վրա։ Նշվում է նաև, որ հանրապետության տարբեր բնակավայրերից ամբողջ օրվա ընթացքում ստացվել են բազմաթիվ ահազանգեր ընտրախախտումների վերաբերյալ։
«Ուժեղ Հայաստան» դաշինքի գնահատմամբ՝ արձանագրված երևույթները չէին կարող ազդեցություն չունենալ ընտրական գործընթացի և դրա արդյունքների վրա։ Հայտարարության մեջ առանձնահատուկ ուշադրություն է դարձվում նաև այն հանգամանքին, որ, ըստ դաշինքի, մինչև Կենտրոնական ընտրական հանձնաժողովի կողմից բոլոր ընտրատեղամասերի արդյունքների ամբողջական ամփոփումը Նիկոլ Փաշինյանը հայտարարել է հաղթանակի և միանձնյա իշխանություն ձևավորելու մասին։
Դաշինքում համոզված են, որ ստեղծված պայմաններում հրապարակված թվերը չեն կարող առանց խորքային ուսումնասիրության և իրավաքաղաքական գնահատականի արտացոլել ընտրողների կամարտահայտության իրական պատկերը։
Մարիաննա Ղահրամանյանը հայտնել է, որ այս պահին «Ուժեղ Հայաստան» դաշինքի կենտրոնական շտաբը զբաղված է իրավիճակի մանրամասն վերլուծությամբ և ընտրողների կամարտահայտության իրական պատկերը ճշգրտելու աշխատանքներով։ Դրանց ավարտից հետո դաշինքը խոստանում է ներկայացնել իր պաշտոնական դիրքորոշումն ու հետագա քայլերը։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»