Լիբանանում իսրայելական հարվածներից 10-ից ավելի մարդ է զոհվել
Լիբանանի հարավային շրջաններում հունիսի 9-ին իսրայելական անօդաչու թռչող սարքերի հարվածների հետևանքով զոհվել է չորս մարդ։ «Արմենպրես»-ի փոխանցմամբ՝ այս մասին հաղորդում է Լիբանանի ազգային լրատվական գործակալությունը (NNA):
Լիբանանի առողջապահության նախարարությունը հայտարարել է, որ հարավային Լիբանանի Սուր քաղաքի Կարմիր խաչի կենտրոնի մոտակայքում իսրայելական հարձակման հետևանքով զոհվել է 5, վիրավորվել՝ 8 մարդ, որոնցից չորսը Կարմիր խաչի շտապօգնության աշխատակիցներ են։
Իսրայելական բանակը Լիբանանի հարավում գտնվող Սուր քաղաքի բնակիչներին տարհանման հրաման է տվել։
Լիբանանի առողջապահության նախարարությունը նաև տեղեկացրել է, որ ևս երկու զոհ և 10 վիրավոր է գրանցվել Սայիդա շրջանում։
Երկրի հարավային Նաբատիե շրջանի վրա հունիսի 8-ի առավոտյան Իսրայելի իրականացրած հարձակման հետևանքով զոհվել է 7 մարդ, ևս 8-ը՝ վիրավորվել։
«Հեզբոլլահ»-ը հայտարարել է, որ Լիբանանի հարավում հրետանային արկերով թիրախավորել է իսրայելական բանակին պատկանող ռազմական տեխնիկան և զինվորների հավաքատեղին։
Ըստ Լիբանանի առողջապահության նախարարության՝ մարտի 2-ից, երբ Իսրայելի վրա «Հեզբոլլահ»-ի հարձակման պատճառով Լիբանանը ներքաշվեց Մերձավոր Արևելքում պատերազմի մեջ, երկրում իսրայելական գործողությունների զոհերի ընդհանուր թիվը հասել է 3637-ի, իսկ վիրավորներինը՝ 11 188-ի։
«Հրապարակ»․ «Ստուկաչների ինստիտուտ» է ձեւավորվել
Որոշել է Արցախի վերջին ինստիտուտները ոչնչացնել․ «Հրապարակ»
Այսօր Սահմանադրական դատարանը կայացնելու է վճիռ․ ի՞նչ ճակատագիր կունենան ընտրությունները
Ռուսաստանը կշարունակի nւժեղացնել ճնշnւմը կիևյան ռեժիմի վրա. Պեսկով
Վթար է․ ջուր չի լինելու
Բացառում եմ 2013 թվականի իրավիճակը, երբ Հայաստանը մեկ գիշերում հրաժարվեց ԵՄ հետ ասոցացման գործընթացի...
Մարինկա Խաչատրյանի ֆոտոշարքը Եգիպտոսից
«Ժողովուրդ». Արայիկ Հարությունյանի դիրքերը թուլանո՞ւմ են. երկարատև արձակուրդ է մեկնել
Փաշինյանի իշխանության հանցավոր անգործության պայմաններում Թուրքիայի «ձեռքերն ազատ» են. Աբրահամյան
Կասեցվել է «Օքսիջեն»-ի հացի թխման տեղամասի արտադրական գործունեությունը. ՍԱՏՄ