ԱՄՆ Կոնգրեսի հանձնաժողովում քվեարկության կդրվի Ադրբեջանի հայ գերիներին ազատ արձակելու կոչը
Ամերիկացի կոնգրեսական Բրեդ Շերմանն առաջարկել է Ադրբեջանից պահանջել անհապաղ ազատ արձակել բոլոր հայ գերիներին: Այս մասին հայտնում է Ամերիկայի Հայ դատի հանձնախումբը (ANCA)։
Ներկայացուցիչների պալատի արտաքին գործերի կոմիտեում նա առաջարկել է փոփոխություն կատարել Ներկայացուցիչների պալատի դիվանագիտական ծառայության մասին օրենքում (H. R. 9086), որը «կոչ է անում Ադրբեջանին անհապաղ և անվերապահորեն ազատ արձակել բոլոր հայ ռազմագերիներին և քաղբանտարկյալներին»:
Քաղաքական գործիչը հիշեցրել է Լեռնային Ղարաբաղում (որտեղ հայերն ապրել են 2 հազար տարի) Ադրբեջանի ռազմական ագրեսիայի, ավելի քան 100 հազար բնակիչների էթնիկ զտման, հայ գերիների՝ նախկինում արձանագրված մահապատժի դեպքերի մասին, որոնց նյութերը տարածվել են համացանցում:
«Հաշվի առնելով դա՝ չափազանց կարևոր է, որ ԱՄՆ-ն Բաքվից պահանջի անհապաղ ազատ արձակել բոլոր գերեվարված հայերին», – ասել է նա Ներկայացուցիչների պալատի արտաքին հարաբերությունների հանձնաժողովում:
Շերմանը նաև նշել է, որ պատանդների ազատ արձակումն ուղղակիորեն կապված է Հարավային Կովկասում խաղաղության հաստատմանն ուղղված ԱՄՆ նախագահ Դոնալդ Թրամփի ջանքերի հետ:
«Քանի որ նախագահ Թրամփը շարունակում է իր ջանքերը Հարավային Կովկասում կայուն խաղաղություն ապահովելու ուղղությամբ, դրան հասնելու ճանապարհին հայ ռազմագերիների և քաղբանտարկյալների ազատ արձակումը կարևոր քայլ կլիներ», – ասել է նա:
Առաջարկը պաշտպանել է հանձնաժողովի նախագահ, հանրապետական Բրայան Մաստը։
Այժմ սպասվում է այդ փոփոխության անվանական քվեարկությունը։ Ընդունման դեպքում նախագիծը կներկայացվի Ներկայացուցիչների պալատի քննարկմանը։
Ամերիկայի Հայ դատի հանձնախումբը (ANCA) ողջունել է երկկուսակցական կոմիտեի որոշումը։
«Ադրբեջանի կողմից հայ պատանդների ապօրինի պահումը մարդու իրավունքների ոլորտում ճգնաժամ է և պահանջում է Կոնգրեսի վճռական գործողությունները։ Մենք ողջունում ենք նախագահ Մաստի աջակցությունը Շերմանի նախաձեռնած փոփոխությանը և կոմիտեի երկկուսակցական հաստատուն դիրքորոշումն առ այն, որ այդ պատանդները պետք է անհապաղ և անվերապահորեն ազատ արձակվեն», – հայտարարել է ANCA-ի գործադիր տնօրեն Արամ Համբարյանը:
Քաջարանցի ուսանողները՝ ծնողների աշխատավայրում. տեսանյութ
«Արգամ Աբրահամյանին առաջադրված մեղադրանքն անհիմն է, իսկ ձերբակալության ընթացքում կիրառվել է անհամաչա...
Ընտանեկան հանգստի գոտի. «Արգիշտի ռեզորթ»-ի հաջողության պատմությունը Կոնվերս Բանկի աջակցությամբ
Առաջիկա օրերին էլեկտրաէներգիայի անջատումներ են սպասվում․ ՀԷՑ-ը հասցեներ է հրապարակել
«TRIPP»․ մեկ տարի անց՝ կես ճանապարհին․ Տիգրան Դումիկյան
Ամփոփվեցին Junius-ի արդյունքները․ առջևում նոր մրցափուլն է
Ucom-ն ընդլայնում է միջազգային ռոումինգի հնարավորությունները
Նիկոլը շատ կուզեր, որ տնտեսությունը ևս ենթարկվեր իր հեքիաթային քարոզչությանը, բայց այն գոյություն ու...
Ավագ սերնդին արժանապատիվ ծերություն ապահովելը ողորմություն չէ, դա մեր պարտքն է. Հրայր Կամենդատյան
Ոստիկանների օպերատիվ գործողությունների շնորհիվ հայտնաբերված նորածինը տեղափոխվել է բժշկական կենտրոն․ ...