Դուք պարտավոր եք հրապարակել այդ տվյալները, որպեսզի մեր ժողովուրդը, մեր ընտրողը, իմանա ճշմարտությունը և իր գնահատականը տա նրանց, ովքեր գողացել են իր ձայները. Է. Մարուքյան

Էդմոն Մարուքյանը տելեգրամյան իր ալիքում գրում է. 

Երեկ հրապարակել էինք ընտրախախտումների մասին տեղեկություններ՝ բերելով փաստեր, որ ընտրատեղամասերի արձանագրություններում առկա էին ձայներ, որոնք բացակայում էին Կենտրոնական ընտրական հանձնաժողովի տվյալներում։

Այսօր արդեն ունենք նոր տեղեկություններ՝ նոր տեղամասերից, և կրկին այդ նույն խախտումներով։ Ի՞նչ է տեղի ունեցել։ Այն ձայները, որոնց համար քարոզարշավի ընթացքում կռիվ ենք տվել, արդար կռիվ ենք տվել, մեզանից ուղղակի գողացել են։

Խորհրդարանական ընդդիմությունը, որը ներկայացուցիչներ է ունեցել ընտրատեղամասային հանձնաժողովներում, հայտարարում է, որ դիմելու է Սահմանադրական դատարան։ Շատ լավ, դիմե՛ք։
Բայց առաջին հերթին պետք է հրապարակել խախտումների վերաբերյալ տվյալները, որովհետև բոլորս էլ գիտենք, որ Սահմանադրական դատարանը Նիկոլ Փաշինյանի հրահանգներով գործող հիմնարկ է, իսկ ժողովրդի վստահությունն ավելի կարևոր է, քան այդ կաշկանդված դատարանի որոշումը։

Այնպես որ, դուք պարտավոր եք հրապարակել այդ տվյալները, որպեսզի մեր ժողովուրդը, մեր ընտրողը, իմանա ճշմարտությունը և իր գնահատականը տա նրանց, ովքեր գողացել են իր ձայները։