ՄԹ-ն վերահաստատել է աջակցությունը Հայաստանի դիմակայունության ամրապնդմանը
Եվրոպայում անվտանգության և համագործակցության կազմակերպությունում (ԵԱՀԿ) Մեծ Բրիտանիայի պատվիրակության ղեկավարի տեղակալ Ջեյմս Ֆորդն անդրադարձել է Հայաստանում հունիսի 7-ին կայացած խորհրդարանական ընտրություններին։ «Արմենպրես»-ի փոխանցմամբ՝ նա ողջունել է ԵԱՀԿ/ԺՀՄԻԳ-ի նախնական եզրակացությունն առ այն, որ Հայաստանում հունիսի 7-ին անցկացված խորհրդարանական ընտրությունները եղել են կանոնակարգված և կազմակերպվել են պրոֆեսիոնալ կերպով։ Այս մասին հաղորդագրություն է հրապարակել Մեծ Բրիտանիայի արտաքին գործերի նախարարությունը։
Նշվում է, որ Ջեյմս Ֆորդը շնորհավորել է Հայաստանի վարչապետ Նիկոլ Փաշինյանին ընտրություններում արձանագրած հաղթանակի առթիվ և հաստատել է Մեծ Բրիտանիայի աջակցությունը Հայաստանի ժողովրդավարական դիմադրողականության ամրապնդմանը։
«Շնորհակալ եմ մեր հայ գործընկերներին Հայաստանում տեղի ունեցած խորհրդարանական ընտրությունների արդյունքների վերաբերյալ ներկայացված տեղեկությունների համար։
Միացյալ Թագավորությունը ողջունում է ԺՀՄԻԳ-ի նախնական եզրակացությունները, որոնցում նշվում է, որ ընտրություններն անցել են կանոնակարգված և կազմակերպվել են պրոֆեսիոնալ կերպով, իսկ քվեարկությունն ընդհանուր առմամբ անցել է հարթ բոլոր ընտրական տեղամասերում։
Մենք բարձր ենք գնահատում Հայաստանի կենտրոնական ընտրական հանձնաժողովի աշխատանքը՝ ընտրությունների կազմակերպման առումով և շնորհավորում ենք վարչապետ Նիկոլ Փաշինյանին հաղթանակի առթիվ։
Մեծ Բրիտանիան բարձր է գնահատում ԺՀՄԻԳ-ի կարևոր դերը ընտրական գործընթացների վերաբերյալ անկախ գնահատական տրամադրելու առումով և հպարտ է նրանով, որ 42 պետություններից մեկն է, որ դիտորդների է ուղարկել Հայաստան՝ առաքելության կազմում։ Մենք շարունակում ենք հավատարիմ մնալ Հայաստանին աջակցելուն՝ երկրի ժողովրդավարական դիմադրողականությունն ամրապնդելու հարցում և հավատում ենք, որ իշխանությունները կառուցողական մոտեցում կունենան ԺՀՄԻԳ-ի բարձրացրած հարցերին լուծում տալու հարցում՝ ապագայում ընտրությունների թափանցիկությունն ամրապնդելու համար։ Մեծ Բրիտանիան հույս ունի համագործակցել Հայաստանի՝ ժողովրդավարական ճանապարհով ընտրված կառավարության հետ՝ կյանքի կոչելու մեր ռազմավարական գործընկերությունը, ամրապնդելու տարածաշրջանային կայունությունը և զարգացնելու եվրոպական գործընկերների հետ ավելի սերտ հարաբերությունները»,- ասել է նա։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...