Այսօր օրակարգը թելադրում է Հունաստանը, իսկ Թուրքիան միայն արձագանքում է. Հունաստանի վարչապետ
Հունաստանի վարչապետ Կիրիակոս Միցոտակիսը հայտարարել է, որ Անկարայի հետ հարաբերություններում նախաձեռնողականությունն անցել է Աթենքի ձեռքը, իսկ թուրքական կողմն արդեն հայտնվել է միայն հակազդողի դերում։ Այս մասին հայտնում է ermenihaber.am-ը։
Հունական «Antenna» հեռուստաալիքին տված հարցազրույցում Միցոտակիսը հակադարձել է երկրի նախկին երկու վարչապետների քննադատություններին, որոնք Աթենքի վարած արտաքին քաղաքականությունը Թուրքիայի նկատմամբ համարում էին թույլ։
Հունաստանի կառավարության ղեկավարն ընդգծել է, որ Աթենքին հաջողվել է փոխել խաղի կանոնները Էգեյան և Միջերկրական ծովերում՝ մատնանշելով երեք հիմնական գործոն. Հունաստանն ընդլայնել է իր տարածքային ջրերի սահմանները, հստակորեն ի ցույց է դրել իր ինքնիշխան իրավունքները Կրետե կղզու հարավում և վերջին 40 տարում առաջին անգամ սկսել է սեփական հորատման աշխատանքները։
«Առաջին անգամն է, որ Հունաստանն է սահմանում օրակարգը, իսկ Թուրքիան միայն որոշակիորեն արձագանքում է դրան»,- հավելել է Միցոտակիսը։
Անդրադառնալով Թուրքիայի կողմից տարիներ շարունակ հնչող «Casus belli»-ի (պատերազմի պատճառ/առիթ/ուլտիմատում) մշտական սպառնալիքին՝ Միցոտակիսը հավելել է.
«Ես Հունաստանի միակ վարչապետն եմ, ով մեկնել է Անկարա և այնտեղ քաղաքավարի, բայց առանց զիջումների, հստակորեն բարձրացրել է «casus belli»-ի հարցը»։
ՔՊ-ն կունենա 61 մանդատ, «Ուժեղ Հայաստանը»՝ 28, «Հայաստան»-ը՝ 11, ԲՀԿ-ն՝ 5․ Արփինե Հովհաննիսյան
Իշխող ուժը հստակ պարտվել է Երևանում, ԱԺ-ում էլ զրկվելու է սահմանադրական մեծամասնությունից․ Չալաբյան
ՔՊ-ն չի ունենա Սահմանադրության փոփոխությունների համար անհրաժեշտ սահմանադրական մեծամասնությունը
ԿԸՀ–ն ամփոփել է բոլոր` 2005 տեղամասերի նախնական արդյունքները
Փաշինյանի հայտարարություններն իր «հաղթանակի» վերաբերյալ վերածվում են իշխանության յուրացման
Բելառուսները կանգնած են Հայաստանի կողքին՝ դեպի եվրոպական ապագա տանող ճանապարհին․ Տիխանովսկայա
Դու դեռ պետք է պատասխան տաս գրանցված բոլոր ընտրախախտումների համար. Սաղաթելյանը՝ Փաշինյանին
Փաշինյանի հայտարարությունը համարում ենք ԿԸՀ-ի վրա անօրինական ազդեցություն. Թաթոյան
Նիկո՛լ, ես քո էս արածը չե՛մ հանդուրժելու․ՊՆ նախկին նախարար Արշակ Կարապետյան
Արձանագրությունների բացահայտումը շարունակվում է․ ընդդիմությունը վստահ առաջատար է մի շարք մարզերում, ...