Երեկ ԿԸՀ-ն գնաց օրենքի բացարձակ ոտնահարման․ Ավետիք Չալաբյան

Դա բացարձակ աբսուրդային պնդում է, քանի որ ուղիղ այդ պատճառով ԲՀԿ ձայները 4.04%-ից իջել են 3.99%, և այն չնչին տարբերությամբ չի հաղթահարել ընտրական շեմը, իսկ նրա 58,000-ից ավել ընտրողները փաստացի զրկվել են իրենց օրինական ներկայացուցչությունից: Դրան նախորդել է վարչական դատարանի որոշումը, որն արդեն իսկ արձանագրել է վերաքվեարկության անհրաժեշտությունը, ինչպես նաև ԿԸՀ անհատ անդամների խոստովանությունը մասնավոր զրույցներում, որ այդ երեք տեղամասերում վերաքվեարկությունը միակ օրինական ելքն է:

Փոխարենը, երեկ ԿԸՀ-ն գնաց օրենքի բացարձակ ոտնահարման, և մանդատագողության մի խայտառակ որոշման, որն իր նախադեպը չի ունեցել վերջին շրջանի մեր պատմության մեջ, մեր երկիրը դրանով առնվազն 30 տարի հետ գցելով և կրկին վերադարձնելով այն բռնատիրության գիրկը:

Ի նշան բողոքի, ես և մի շարք գործընկերներս լքեցինք ԿԸՀ այդ խայտառակ նիստը, որից հետո հայտարարություններ արեցինք ԿԸՀ առջև հավաքված քաղաքացիների և լրատվամիջոցների համար:

Պայքարն այժմ տեղափոխվում է ՍԴ, և արդյունքի կհասնի միայն այն դեպքում, երբ հասարակության ընդդիմադիր հատվածը բացարձակ մոբիլիզացնի իր բոլոր ուժերը, այլապես մենք դատապարտված ենք լինելու թրքամետ բռնատիրության ևս մի քանի տարիների: Մենք շարունակելու ենք գտնվել այդ պայքարի առաջնագծում, մինչ այդ կիսվում եմ իմ երեկվա հայտարարությամբ: