«Պայքարի ամբողջ ծանրությունը մնացել է մեզ վրա». Նարեկ Կարապետյանի հայտարարությունը նոր քաղաքական իրողությունների ֆոնին
«Ուժեղ Հայաստան» կուսակցության քաղխորհրդի անդամ Նարեկ Կարապետյանը հանդես է եկել կոշտ հայտարարությամբ՝ անդրադառնալով Ազգային ժողովի կազմավորման շուրջ ստեղծված իրավիճակին և խորհրդարան անցած քաղաքական ուժերից մեկի մանդատների հարցին։
«Այսօր ժողովրդի քվեով ԱԺ անցած ուժին, որը կօգներ մեզ ապահովել մեր պայքարը Ալիևի սահմանադրության դեմ, Ալիևի ծրագրերի դեմ, ուղղակի առանց բացատրության հանեցին ԱԺ-ից՝ չնայած դատարանի ուղիղ որոշմանը։ Պայքարի ամբողջ ծանրությունը մնացել է մեզ վրա։ Ունե՞նք իրավունք զիջելու։ Ո՛Չ»,– հայտարարել է Կարապետյանը։
Նրա խոսքով՝ ստեղծված իրավիճակը ոչ միայն քաղաքական, այլև սկզբունքային նշանակություն ունի։ Կարապետյանը համոզված է, որ խորհրդարանական պայքարը շարունակվելու է՝ անկախ այն դժվարություններից, որոնք առաջացել են հետընտրական գործընթացների արդյունքում։
«Լինելու է դժվար, լինելու է անարդար, բայց սե՞նց դիկտատորներ են ճամփվել։ Ազգովի կհաղթենք փոքրիկ խմբակի հոգին կորցրած դիկտատորին»,– նշել է նա։
Կարապետյանի հայտարարությունը հնչում է այն պայմաններում, երբ հետընտրական զարգացումները շարունակում են մնալ քաղաքական օրակարգի կենտրոնում։ Ընդդիմադիր շրջանակներում շարունակվում են քննարկումները ընտրական գործընթացների, դատական որոշումների և խորհրդարանի վերջնական կազմի շուրջ։
«Ուժեղ Հայաստան» կուսակցությունը նախկինում ևս հայտարարել է, որ պատրաստվում է շարունակել քաղաքական և իրավական պայքարը՝ պաշտպանելու իր ընտրողների քվեն և առաջ քաշած քաղաքական օրակարգը։ Նարեկ Կարապետյանի վերջին հայտարարությունը դիտարկվում է որպես այդ պայքարի շարունակության մասին հերթական ազդակ, որով ընդդիմադիր ուժը փորձում է համախմբել իր աջակիցներին և ընդգծել, որ չի պատրաստվում հրաժարվել իր քաղաքական նպատակներից։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Նոյեմբերի 3/4-ին 36 ժամ ջուր չի լինելու
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»