Ռոնալդինյոն վերսկսում է կարիերան. բրազիլացին համաձայնության է եկել իտալական ակումբի հետ
Բրազիլիայի ազգային հավաքականի, «Բարսելոնայի» և «Միլանի» լեգենդար նախկին հարձակվող Ռոնալդինյոն վերադառնում է մեծ ֆուտբոլ։ 46-ամյա բրազիլացին համաձայնության է եկել Իտալիայի Սերիա C-ում հանդես եկող «Ռավեննա» ակումբի հետ, հայտնում է հեղինակավոր Gazzetta dello Sport պարբերականը։
Համագործակցության վերաբերյալ պաշտոնական հայտարարությունը սպասվում է հունիսի 23-ին Մայամիում կայանալիք հատուկ միջոցառման ժամանակ, որտեղ կներկայացվի նաև ակումբի նոր մարզահագուստը։
«Նոր գույներ, նույն ժպիտը։ Անհամբերությամբ եմ սպասում այն պահին, երբ կրկին կսկսեմ հրաշքներ գործել գնդակով և նոր պատմություն կկերտեմ Ինյացիո Չիպրիանիի ու նրա ողջ ընտանիքի հետ։ Ֆուտբոլն ինձ միշտ ուրախություն է պարգևել, և ես ցանկանում եմ այդ ոգով կիսվել «Ռավեննայի» հետ»,- նշել է Ռոնալդինյոն։
Ակումբի նախագահ Ինյացիո Չիպրիանին Ռոնալդինյոյի տեղափոխությունն անվանել է «անհավանական իրադարձություն» ողջ իտալական ֆուտբոլային համակարգի համար։ Սպասվում է, որ 2002 թվականի աշխարհի չեմպիոնը թիմին կմիանա արդեն նախամրցաշրջանային հավաքի ժամանակ և նոր մրցաշրջանի նախապատրաստության հենց առաջին օրերից կլինի մարզչական շտաբի տրամադրության տակ։
Նախորդ մրցաշրջանում «Ռավեննան» մոտ էր դասակարգման բարձրացմանը, իսկ այժմ նպատակ ունի պայքարել Սերիա B-ի ուղեգրի համար՝ իր կազմում ունենալով 21-րդ դարի ամենավառ ֆուտբոլիստներից մեկին։
Չնայած այն հանգամանքին, որ մարտին Ռոնալդինյոն դարձել է 46 տարեկան, նա լիովին պատրաստ է կրկին փորձել իր ուժերը պաշտոնական հանդիպումներում։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն