Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկել գեղեցիկ, բայց փուչ լիբերալ լոզունգների տակ․ Հրայր Կամենադատյան
Մեծ հաղթանակ.
ԱԶԳԱՅԻՆ ՍՐԲԱԳՐՈՒՄ ԵՎ ԱՊԱԳԱՅԻ ՏԵՍԼԱԿԱՆ
Հարգելի՛ հայրենակիցներ
Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկել գեղեցիկ, բայց փուչ լիբերալ լոզունգների տակ։
2000-ականների սկզբից Արևելյան Եվրոպան դարձավ մի մեծ փորձադաշտ։ Դարձավ կեղծ արևմտամետների և նեոլիբերալ տանդեմների հարձակման թիրախ, որտեղ ստեղծվեցին դատարկ, առանց ազգային հենասյան կառավարություններ։ Եվ այդ հարձակումը, որը նախապատրաստվում էր վաղուց, շատ չանցած հասավ նաև մեր դռանը։ Հերթը Հայաստանինն էր։
Նրանք մեր երկրում գործեցին քայլ առ քայլ, համակարգված ու նենգաբար։
Սկսեցին բանակից՝ փորձելով վարկաբեկել ու թուլացնել մեր անվտանգության թիվ մեկ երաշխավորին։
Անցան գենդերային օրակարգերին ու կրթական համակարգին՝ լվանալով ու քանդելով պետության ու ավանդական ընտանիքի հիմքերը։
Դեռևս երրորդ նախագահի օրոք այս ուժերն արդեն զգալի ազդեցություն էին ձեռք բերել, և նրանց վերջնական հաղթանակը սարերի հետևում չէր։ Եվ այդ հաղթանակը եղավ՝ «Մերժիր Սերժին» կեղծ ու պատրաստի կարգախոսով, որի իրական նպատակը ոչ թե ժողովրդի բարօրությունն էր, այլ պետականության կազմաքանդումը։
Սիրելի՛ հայրենակիցներ,
Վերջին ութ տարիները եղան մեր պատմության ամենածանր էջերից մեկը։ Այս կիսալիբերալ աղբը, ձեռք ձեռքի տված, օգնում և սպասարկում էր նրանց, ովքեր երկիրը տանում էին դեպի բացարձակ դիկտատուրա։ Թվում էր, թե նրանք անպարտելի են։ Թվում էր, թե ոչինչ չի կանգնեցնելու այս հակաազգային մեքենան։
Բայց տեղի ունեցավ այն, ինչին շատերը չէին սպասում, բայց ինչն անխուսափելի էր։ Այս տարվա ընտրությունները, անկախ բոլոր կեղծիքներից, ջրի երես հանեցին մի ակնհայտ ճշմարտություն։ Այդ կեղծ լիբերալները, սորոսական մնացուկները, գենդերային թեմաներով մեր հանրության գլուխն արդուկողներն ու Եվրամիության էժանագին պրոպագանդիստները կրեցին զարհուրելի, ջախջախիչ պարտություն։ Նրանց իրական քվեները հավասարվեցին զրոյի։
Սա բացառիկ իրավիճակ է։ Սա պատմական պահ է, երբ հայ հասարակությունը, իր բնազդով ու հավաքական կամքով, իր մեջքից պոկում և դեն է նետում հայի կերպարանքով հանդես եկող այս մակաբույծներին։ Սա հայ մարդու, ավանդական արժեքների և առողջ բանականության մեծագույն հաղթանակն է։
Բայց սա միայն սկիզբն է։
Այս հաղթանակը պետք է զարգացնել։ Մենք իրավունք չունենք կանգ առնելու կամ թուլանալու։ Մեր խնդիրն է՝ թույլ չտալ, որ որևէ կեղծ օրակարգ հերթական անգամ մոլորեցնի մեր ժողովրդին։ Մենք պետք է վերականգնենք մեր բանակը, մեր կրթությունը, մեր տնտեսությունը և մեր արժանապատվությունը՝ հենվելով բացառապես մեր ազգային շահի և մեր ուժերի վրա։
Մաքրման գործընթացը սկսված է, և այն անկասելի է։
Շնորհակալություն։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Զովաբերում 220 վոլտ լարումով ձուկ որսալու հետևանքով 28-ամյա տղամարդը հոսանքահարվել ու մահացել է
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Եթե պետությունն ուզում է լավ մարդ և քաղաքացի ունենալ, պետք է նրան ապահովի որակյալ կրթությամբ. Ատոմ Մ...