Նոր քաղաքական խոսքի և համակարգային փոփոխությունների պահանջ. Հանրային դաշինք
2026 թվականի խորհրդարանական ընտրություններն անցան համատարած կեղծիքներ, ճնշումների և ընտրողների ազատ կամարտահայտման իրավունքը վարկաբեկող պայմաններում։
Ընտրական գործընթացի ընթացքում քաղաքական օրակարգը մեծապես ձևավորվում էր ոչ թե Հայաստանի քաղաքացիների առաջնահերթ շահերով, այլ արտաքին կենտրոնների հետաքրքրություններով ու ակնկալիքներով, իշխանությունն ամեն գնով պահելու նպատակներով: Արդյունքում զոհաբերվում էր ՀՀ քաղաքացիների և Հայաստանի Հանրապետության շահը:
Այս ընտրությունները ցույց տվեցին երկու կարևոր հանգամանք.
- Քաղաքական դաշտը զգալիորեն սպառել է իր գաղափարական և քաղաքական ներուժը, ինչի արդյունքում բացվել է տարածք նոր խոսքի, նոր մտածողության և նոր գաղափարների համար։
- Ներկայիս սահմանադրական և ինստիտուցիոնալ համակարգը լայն հնարավորություններ է ստեղծում իշխանության գերկենտրոնացման համար՝ թույլ տալով ազդեցություն գործադրել ընտրական գործընթացների վրա վարչական, իրավապահ և այլ լծակների միջոցով։ Անկախ մարմինների և իրավապահ համակարգի կենտրոնացվածությունը մեկ քաղաքական կենտրոնի շուրջ լրջորեն սահմանափակում է իշխանության նկատմամբ արդյունավետ վերահսկողության հնարավորությունները և նրա համար կեղծարարությունների լայն դաշտ բացում:
Այս իրողությունները հաշվի առնելով՝ Իշխանությունների հակակշռման համար հանրային դաշինքը շարունակելու է իր գործունեությունը երկու հիմնական ուղղությամբ՝ նպաստելով Հայաստանի գաղափարական ու քաղաքական նորացմանը և համախմբելով քաղաքացիներին սահմանադրական ու համակարգային փոփոխությունների օրակարգի շուրջ։ Մեր նպատակն է ձևավորել այնպիսի պետական համակարգ, որը կբացառի միահեծան իշխանության հնարավորությունը, ընտրական գործընթացների նկատմամբ իշխանական վերահսկողությունը և կապահովի իրական ժողովրդավարություն, հաշվետվողականություն և ժողովրդի ազատ կամարտահայտության պաշտպանություն։
Մեր վերջնանպատակն է վերադարձնել իշխանությունը ՀՀ քաղաքացիներին: ՀՀ քաղաքացին է Հայաստանի ուժը և հարստությունը:
«Հանրային դաշինք՝ իշխանությունների հակակշռման համար» նախաձեռնող խումբ
Հայկ Դորունց
Արսեն Թավադյան
Վարդան Հարությունյան
Ռուբեն Հարությունյան
Հովհաննես Իշխանյան
Մենք կբերենք խաղաղություն՝ առանց մեր անկախությունից հրաժարվելու. Ուժեղ Հայաստան
«Սեպտեմբերի 21-ը պետք է դառնա Հայաստանի ինքնիշխանության վերականգնման օրը». Խաչիկ Ասրյան
Մենք պարտավոր ենք շարունակել պայքարը՝ հանուն հզոր, անվտանգ և արժանապատիվ Հայաստանի. Էդմոն Մարուքյան
Քաղաքականապես հասուն ազգերը երկու կարգավիճակ ունեն․ կա՛մ ունեն անկախ պետականություն, կա՛մ պայքարում ...
Իդրամով արդեն կարելի է վճարել Glovo-ում. սպասված համագործակցությունն իրականություն է
Ուժեղ Հայաստան լինելու է. Տիգրան Աբրահամյան
Զարգացնելով Տիգրանաշենը՝ այն հայկական կմնա նաև գալիք սերունդների համար․ «Ուժեղ Հայաստան»
Թրամփը Եմենին ռազմական աջակցության երաշխիքներ չի տվել. Reuters
Հակակոռուպցիոն կոմիտեի վարչության պետը պարգևատրվել է «Մխիթար Գոշի» մեդալով
Առանց ատելության քարոզի Փաշինյանը չի կարող պահպանել իր իշխանությունը. Արմեն Մանվելյան