Սրբուհի Գալյանը ՌԴ արդարադատության նախարարին հրավիրել է Հայաստան
Արդարադատության նախարար Սրբուհի Գալյանը Ռուսաստանի Դաշնության Սանկտ Պետերբուրգ քաղաքում, Պետերբուրգյան միջազգային իրավաբանական 14-րդ համաժողովի շրջանակում, հանդիպել է Ռուսաստանի Դաշնության արդարադատության նախարար Կոնստանտին Չույչենկոյին։ Այս մասին տեղեկանում ենք նախարարության ֆեյսբուքյան էջից:
Նախարարը բարձր է գնահատել երկկողմ հանդիպման անցկացումը՝ որպես արդարադատության նախարարությունների միջև համագործակցության արդիական ուղղությունները քննարկելու և փոխգործակցության հետագա զարգացման հեռանկարները նախանշելու կարևոր հնարավորություն։
Կոնստանտին Չույչենկոն կարևորել է ՀՀ արդարադատության նախարարության հետ համագործակցությունը և առաջարկել է ընդլայնել երկկողմ պայմանագրային բազան։
Հանդիպման ընթացքում կողմերը կարևորել են նաև իրավական օգնության ոլորտում համագործակցության զարգացումը՝ ընդգծելով, որ այն երկկողմ հարաբերությունների ամրապնդման և իրավասու մարմինների միջև արդյունավետ փոխգործակցության ապահովման առանցքային ուղղություններից է։
Սրբուհի Գալյանն անդրադարձել է նաև իրավական փոխօգնության վերաբերյալ հարցումների կատարման մեխանիզմների հետագա կատարելագործման անհրաժեշտությանը՝ շեշտադրելով ոլորտում գործնական համագործակցության շարունակական զարգացման կարևորությունը։
Կողմերը քննարկել են նաև պրոբացիայի ոլորտում համագործակցության ընդլայնման հնարավորությունները՝ կարևորելով փորձի փոխանակումն ու ոլորտում արդյունավետ լուծումների ներդրումը։
Օգտվելով առիթից՝ Սրբուհի Գալյանը ՌԴ արդարադատության նախարարին հրավիրել է մասնակցելու ԱՊՀ մասնակից պետությունների արդարադատության նախարարների խորհրդի 20-րդ նիստին, որը կկայանա սույն թվականի նոյեմբերին Երևանում։
Նշված միջոցառումը կարևոր հարթակ է իրավական համագործակցության արդիական հարցերի քննարկման, մասնագիտական փորձի փոխանակման և փոխգործակցության առաջնահերթ ուղղություններով համատեղ մոտեցումների մշակման համար։
Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
Էրեբունուց Երևան դարձած մեր մայրաքաղաքը երբեք Էրիվան չի դառնալու. Սամվել Կարապետյան
Քաղաքաշինության ներկան և զարգացման հեռանկարները․ Երևանում կայացել է Կառուցապատողների հայկական ասոցիա...
Երևանի համար հնարավոր է հաստատել խաղաղություն առանց զիջումների. «Ուժեղ Հայաստան»
1 զոհ, 1 վիրավոր, մաhացածը վարորդներից մեկի կինն է․ բախվել են «MERCEDES»-ն ու «NISSAN»-ը
ՏԻՄ ընտրություններում կուսակցական բաղադրիչը ոչ մի նշանակություն չունի. Մենուա Սողոմոնյան
Ամուլսարի շահագործումը՝ սպառնալիք Հայաստանի բնությանն ու ժողովրդին․ Գևորգ Տերտերյանի ահազանգը
Michelin-ի գաղտնի տեսուչները Հայաստանում․ ո՞վ կարող է արժանանալ առաջին աստղին