Ճապոնիան Ուկրաինայի հետ մեկնարկում է անօդաչու թռչող սարքերի արտադրության լայնածավալ նախագիծ
Ճապոնիան Ուկրաինայի հետ մեկնարկում է անօդաչու թռչող սարքերի մշակման և արտադրության համատեղ նախագիծ: Տոկիոն հույս ունի օգտագործել Ուկրաինայի մարտական փորձը՝ արագացնելու սեփական անօդաչու համակարգերի մշակումը և արդիականացնելու իր զինված ուժերը՝ Չինաստանից և Ռուսաստանից եկող աճող սպառնալիքների պայմաններում, գրել է «South China Morning Post»-ը։
Նոր ռազմավարության հիմնական տարրը կլինի Ճապոնիա-Ուկրաինա անօդաչու թռչող սարքերի կլաստերի ստեղծումը:
Այն կմիավորի ճապոնացի արտադրողներին, ուկրաինական պաշտպանական ընկերություններին, հետազոտական կենտրոններին, համալսարաններին և տեխնոլոգիական ընկերություններին:
Կիեւի հետ համագործակցությունը Ճապոնիայի պաշտպանական քաղաքականության ավելի լայն վերանայման մաս է կազմում: Դրա տարրերից մեկը Գերմանիայի Վիսբադեն քաղաքում գտնվող ՆԱՏՕ-ի առաքելության շտաբ առաջին անգամ ինքնապաշտպանության ուժերի սպաներ ուղարկելու որոշումն էր: Այնտեղ համակարգվում են Ուկրաինային ռազմական օգնության մատակարարումները և ուկրաինական զորքերի վարժեցումը: Ճապոնիան նաև քննարկում է Ուկրաինայի առաջնահերթ պահանջների ցանկի ծրագրին միանալու հնարավորությունը, որի միջոցով դաշնակիցները ֆինանսավորում են Ուկրաինայի համար ամերիկյան զենքի, այդ թվում՝ Patriot հրթիռների գնումը։
Պաշտպանության ոլորտում Ճապոնիայի և Ուկրաինայի մերձեցումն արդեն իսկ առաջացրել է Մոսկվայի բացասական արձագանքը։ Ապրիլին Ռուսաստանը դիվանագիտական բողոք է ներկայացրել Ճապոնիային, այն բանից հետո, երբ ճապոնական «Terra Drone» ընկերությունը ռազմավարական համաձայնագիր է կնքել ուկրաինական «Amazing Drones» որսիչ հրթիռներ արտադրող ընկերության հետ։ Ճապոնական իշխանությունները Մոսկվայի պնդումներն անհիմն են անվանել։
Ճապոնական իշխանությունները մեծացնում են անօդաչու համակարգերի ֆինանսավորումը։ 2026 թվականի ֆինանսական տարվա բյուջեում կառավարությունը 619 միլիոն դոլար է հատկացրել հեռավոր կղզիները պաշտպանելու համար անօդաչու ծովային համակարգերի մշակմանը։ Ճապոնիայի պաշտպանության նախարարությունը նաև պլանավորում է ձեռք բերել հարձակողական անօդաչու սարքեր և ստորջրյա անօդաչու սարքեր հետախուզության համար։
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...