Լիբանանի բնակելի թաղամասերից մեկին իսրայելական nւժերի ռմբակnծnւթյnւնը հանգեցրել է առնվազն 60 մարդու մաhվան
Լիբանանի հարավում գտնվող հնագույն Տյուրոս քաղաքի բնակելի թաղամասերի ռմբակոծությունը հանգեցրել է առնվազն 60 մարդու մահվան: Այս մասին ՏԱՍՍ-ի թղթակցին հայտնել է քաղաքի փոխքաղաքապետ Ալվան Շարաֆուդդինը։
«Իսրայելական ավիահարվածների ընթացքում ամբողջությամբ ավերվել է 24 բազմահարկ շենք, ևս հինգը մասնակի վնասվել են: Փլատակները մաքրելուց հետո պարզվել է, որ այնտեղ զոհվել է 60 քաղաքացի»,- պատմել է գործակալության զրուցակիցը։
Նրա խոսքով՝ Տյուրոսի բազմաթիվ փողոցներում երևում են վերջին հարձակումների հետքերը։
«Իսրայելական հրամանատարության՝ սպասվող օդային հարձակումների մասին նախազգուշացումներից հետո հունիսի սկզբին քաղաքում մնացել էր բնակչության մոտավորապես 10-15%-ը: Այժմ, հրադադարի հայտարարումից հետո, վերադարձել է բնակիչների 89%-ը, սակայն կան ընտանիքներ, որոնք զրկվել են տանիքից, և մենք փորձում ենք լուծել այդ խնդիրը ժամանակավոր բնակարանների վարձակալության միջոցով»,- նշել է փոխքաղաքապետը։
Քաղաքապետարանը մարտի 2-ին ռազմական էսկալացիայի սկզբից ի վեր ոչ մի օր չի դադարեցրել աշխատանքը և զբաղվել է քաղաքացիների կենսական կարիքների ապահովմամբ և նրանց փրկությամբ։
«Մենք ստեղծել ենք ճգնաժամային շտաբ, որն արձագանքում էր բնակչության կարիքներին և դիմումներին: Իսրայելը սպառնում էր ողջ քաղաքին, ներառյալ հնագույն քրիստոնեական թաղամասին»,- նշել է Շարաֆուդդինը։
Ինչպես հայտնել է գործակալության զրուցակիցը, իսրայելական ավիացիայի հարձակումներից վնասվել են ծովափի մոտ գտնվող Էլ-Մինա հնագիտական այգու տարածքում գտնվող անտիկ հուշարձանները։
«Վնասվել են առևտրի հրապարակի սյուների խոյակները, պայթյունի ալիքից հռոմեական դարաշրջանի մի քանի խճանկարների վրա ճաքեր են առաջացել»,- նշել է նա։
Փոխքաղաքապետը հիշեցրել է, որ հին Տյուրոսի ավերակները, մասնավորապես՝ հիպոդրոմը, ջրանցույցը, հաղթակամարը և դամբարանադաշտը, ներառված են ՅՈՒՆԵՍԿՕ-ի Համաշխարհային ժառանգության ցանկում։
«Այդ ավերակները համարվում են ողջ մարդկության սեփականությունը, սակայն Իսրայելն անտեսել է զինված հակամարտությունների ժամանակ մշակութային արժեքների պաշտպանության մասին Հաագայի կոնվենցիան»,- ընդգծել է նա։
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Ֆինանսական նոր հմտություններ Դավիթբեկյան խաղերում․ Idram&IDBank
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
ՍՏՈՊ ավելորդ բաժանորդագրություններին․ Visa Stop Payment-ը Converse Mobile-ում
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան