«Համահայկական ճակատ» շարժման առաջնորդ՝ Արշակ Կարապետյանի շնորհավորական ուղերձը Հայաստանի Սահմանադրության օրվա կապակցությամբ

«Համահայկական ճակատ» Շարժում տելեգրամյան էջը գրում է․

«Համահայկական ճակատ» շարժման առաջնորդի շնորհավորական ուղերձը
Հայաստանի Սահմանադրության օրվա կապակցությամբ

Սիրելի հայրենակիցնե՜ր

Հայաստանի Հանրապետության Սահմանադրությունը սևագիր չէ, որը կարող է վերաշարադրվել և խմբագրվել ինչ-որ մեկի ճնշման տակ։ Սահմանադրության մեջ փոփոխություններ կատարելու բացառիկ իրավունքը պատկանում է Հայաստանի ժողովրդին։ «ՔՊ»-ական վարչախումբը պարտավոր է հարգել Սահմանադրությունը և խստորեն հետևել դրանում ամրագրված դրույթներին, իսկ Սահմանադրությունը պաշտպանելու կոչված մարմինները, որքան էլ լինեն մեկ մարդու կամակատարը, պարտավոր են հետաքննել Սահմանադրության դրույթների ոչ պատշաճ կիրառման յուրաքանչյուր դեպք և հավասար պատասխանատվություն կրեն օրենքի առջև։ Հիմնական օրենքի խախտման մեղավորներն անխուսափելիորեն կկրեն իրենց պատիժը. դա հստակ նշված է «Համահայկական ճակատ» շարժման կողմից հիմնադրված «Հայաստանի ազգային հպարտության տրիբունալի» Որոշման մեջ:
Դինամիկ փոփոխվող աշխարհը, բնականաբար, պահանջում է Սահմանադրության դրույթների փոփոխություններ, բայց դրա կատարելագործումը պետք է ուղղված լինի պետականության, տարածքային ամբողջականության ու ինքնիշխանության պահպանմանը, այլ ոչ թե պատմական ճշմարտությունը մերժելուն։ Հայաստանի ղեկավարը պետք է լինի Նախագահը՝ Գերագույն գլխավոր հրամանատարը։ Սա կառավարման ամենաարդյունավետ մոդելն է, որը համապատասխանում է ժողովրդի շահերին, երկրի անվտանգությանը և համապատասխանում է հայկական ավանդույթներինՆրանց համար, ովքեր գնահատում են չկեղծված պատմությունը, հպարտանում են իրենց նախնիների սխրանքներով, չեն մոռանում անցյալի դառը պահերը և սգում են Ցեղասպանության զոհերի համար՝ Պետությունը, Պետականությունը, Հայրական տունն ու Ընտանիքը ոչ թե խոսքեր են, այլ կյանքի իմաստ:

Մեզանից յուրաքանչյուրից է կախված Հայաստանի գոյությունն ու բարգավաճումը։ Մեր մտքերի և ձգտումների միասնությունը թույլ կտա մեզ պահպանել մեր պետությունը։
Կեցցե՛ Հայաստանի Հանրապետության Սահմանադրությունը։

«Համահայկական ճակատ» շարժման առաջնորդ
գեներալ-մայոր Արշակ Կարապետյան