Ակնկալում ենք, որ ընտրությունների արդյունքում ձևավորված նոր կառավարությունը կապահովի ռուս-հայկական հարաբերությունների առաջընթաց զարգացումը. Միշուստինը՝ Փաշինյանին
Ակնկալում ենք, որ ընտրությունների արդյունքում ձևավորված նոր կառավարությունը կապահովի ռուս-հայկական հարաբերությունների առաջընթաց զարգացումը: Այս մասին Եկատերինբուրգում ընթացող «Իննոպրոմ» միջազգային արդյունաբերական ցուցահանդեսի շրջանակներում ՌԴ վարչապետ Միխայիլ Միշուստինը ասել է ՀՀ վարչապետ Նիկոլ Փաշինյանին։
ՌԴ կառավարության ղեկավարը, ողջունելով Նիկոլ Փաշինյանին, ընդգծել է, որ սա վերջինիս առաջին արտասահմանյան այցն է՝ Հայաստանում հունիսի 7-ի խորհրդարանական ընտրություններից հետո։
«Ակնկալում ենք, որ ընտրությունների արդյունքում ձևավորված նոր կառավարությունը կապահովի ռուս-հայկական հարաբերությունների առաջընթաց զարգացումը՝ բարեկամության, բարիդրացիության և փոխադարձ հարգանքի ոգով։ Չնայած համաշխարհային տնտեսության տուրբուլենտությանը՝ Ռուսաստանը զբաղեցնում է առաջին տեղը Հայաստանի արտաքին առևտրային գործընկերների և ներդրողների շարքում»,- նշել է Միշուստինը՝ հավելելով, որ ռուսական ընկերություններն ակտիվորեն ներգրավված են Հայաստանի հանքարդյունաբերության, էներգետիկայի, մեքենաշինության և թվային տնտեսության ոլորտներում։
ՌԴ վարչապետը կարևորել է ռուս ներդրողների համար հարմարավետ ռեժիմի պահպանումը և նրանց իրավունքների պաշտպանությունը։
Իր հերթին, ՀՀ վարչապետ Նիկոլ Փաշինյանը շնորհակալություն է հայտնել հրավերի համար՝ «Իննոպրոմ» ցուցահանդեսն անվանելով համագործակցության հարթակ։
«Այս հանդիպումը շատ լավ առիթ է մեր հարաբերությունների օրակարգի ողջ սպեկտրը քննարկելու և, ինչպես ասում են, ժամացույցները ճշգրտելու համար։ Վերջին ժամանակներս որոշ խնդրահարույց հարցեր են ի հայտ եկել, հուսով եմ՝ կքննարկենք և կլուծենք դրանք»,- ասել է Փաշինյանը։
Վարչապետը վերահաստատել է Եվրասիական տնտեսական միության շրջանակներում համագործակցության կարևորությունը։
«Մենք տրամադրված ենք կառուցողական՝ քննարկելու և պարզաբանելու բոլոր հարցերն ու նրբությունները։ Հուսով եմ, որ այսօրվա բանակցությունների արդյունքում մեզ կհաջողվի լուծել կոնկրետ հարցեր»,- եզրափակել է Նիկոլ Փաշինյանը։
Հանդիպման ընթացքում կողմերը քննարկել են նաև երկկողմ առևտրատնտեսական, գիտատեխնոլոգիական և հումանիտար ոլորտներում համագործակցությանը վերաբերող լայն հարցեր։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»