Առաջիկա 100 օրը վճռորոշ կդառնա Ուկրաինայում պատերազմի ելքի համար. Տուսկ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Լեհաստանի վարչապետ Դոնալդ Տուսկը հայտարարել է, որ առաջիկա 100 օրը վճռորոշ կդառնան Ուկրաինայում հակամարտության հետագա զարգացման համար՝ ընդգծելով, որ պատերազմի ելքը մնում է անորոշ, գրում է The Guardian-ը։

Լեհաստանի տարածքում հրթիռի ընկնելու միջադեպից հետո Տուսկը հայտարարել է, որ դա միայն ուժեղացրել է Ուկրաինային աջակցությունը շարունակելու իր վճռականությունը։

«Լեհաստանի անվտանգությունն ուղղակիորեն և միանշանակորեն կախված է ուկրաինական բանակի արդյունավետ գործողություններից, ներառյալ՝ օդում։ Եթե Ուկրաինան ստանար ավելին, քան այն, ինչ վաղուց խնդրում է, հնարավոր է՝ այս բալիստիկ հրթիռը արձակված չլիներ Լեհաստանի ուղղությամբ», ասել է լեհ վարչապետը։

Նա ընդգծել է, որ Վարշավան մտադիր է անել հնարավոր ամեն ինչ, որպեսզի Ուկրաինան «չպարտվի այս պատերազմում»։

Տուսկը նշել է, որ՝ Ուկրաինայի նախագահ Վլադիմիր Զելենսկու հետ գիշերային զրույցից հետո ինքը հանգել է այն եզրակացության, որ իրավիճակը մնում է ծայրահեղ անորոշ։

«Առաջիկա 100 օրը վճռորոշ կդառնան այս պատերազմի ելքի համար, և շանսերն այժմ 50/50 են»,- հայտարարել է Լեհաստանի վարչապետը։

Մարդկանց թվին, որոնք կարող են զգալի ազդեցություն ունենալ իրադարձությունների հետագա զարգացման վրա, Տուսկը դասել է ԱՄՆ նախագահ Դոնալդ Թրամփին, «որոշ այլ քաղաքական գործիչների», ինչպես նաև SpaceX ընկերության ղեկավար Իլոն Մասկին։

Հետևեք մեզ՝ այստեղ