Մեսսիի կինն արձագանքել է Ռոնալդուի հարսնացուի գրառմանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կրիշտիանու Ռոնալդուի հարսնացուն՝ Ջորջինա Ռոդրիգեսը, սոցիալական ցանցերում նոր հրապարակում է արել՝ արձագանքելով իր հասցեին հնչող քննադատություններին։ Վերջին օրերին օգտատերերը քննադատում և անգամ ծաղրում էին Ջորջինային՝ նշելով, թե նա ավելորդ քաշ ունի։

«Իմ մարմինը կփոխվի, ինչպես և բոլոր կանանց մարմինները։ Հուսով եմ, որ դա կշարունակվի ևս երկար տարիներ, քանի որ դա կնշանակի, որ ես դեռ ողջ եմ»,- գրել է Ջորջինան։

Շարունակելով միտքը՝ նա ընդգծել է, որ ինքը մայր է, և Կրիշտիանուի հետ միասին երեխաներին սովորեցնում է մարդկանց չգնահատել միայն արտաքինով։

«Ես և Կրիշը, ումով ես անչափ հպարտանում եմ որպես հայր և տղամարդ, ցանկանում ենք սովորեցնել մեր երեխաներին, որ մարդու արժեքը չի կարող կախված լինել արտաքինից կամ անծանոթ մարդկանց կարծիքից»,- հավելել է նա։

Գրառման մեկնաբանություններում աչքի է ընկել Լիոնել Մեսսիի կինը՝ Անտոնելա Ռոկուցոն։ Նա ծափահարող երեք էմոջի է թողել Ջորջինայի լուսանկարի տակ։

Անմասն չի մնացել նաև Կրիշտիանու Ռոնալդուն՝ գրելով․ «Իմ սեր»։

Հիշեցնենք, որ ավելի վաղ լրատվամիջոցները հաղորդում էին, որ Կրիշտիանու Ռոնալդուն Լիոնել Մեսսիին հրավիրել է իր հարսանիքին։

Հետևեք մեզ՝ այստեղ